Zindagi Aais Pais

Lekhak ne kabhi nahi socha tha ki ve raaton-raat ek ghoshit lekhak ban jaayenge. Unke liye yahi bahut tha ki log phone ya mail par unki tareef kar dein. Par aaj jitna kuchh mila, usse ve bahut khush hain. Smartphone, email, aur laptop ke beech rozgar banane aur professionalism nibhane ke beech mein unhe jab bhi samay mila, ve likhte rahe, sudharte rahe, padhte rahe, aur seekhte rahe. Aise mein aksar khud ki likhi kahaniyon ko perfect bana lene ki khwahish ek obsession mein badalne lagi thi. Jab unhone darte-darte editor sahab ko is kitab ki pehli draft bheji the, to unhone kaha ki is baar lekhak ki kitab sach mein mukammal ho gayi hai. Lekin lekhak, editor aur publisher kabhi kitabon ko mukammal nahi kar sakte. Kitabein sirf padhne-walon se mukammal hoti hai. Zindagi jahan kahin ho, use khojiye, thappa mariye, aur khilkhilakar hansiyein. 

In kahaniyon ke zariye bhooli-bisri galiyon mein bhatak aaiye, khelte koodte bachchon ko nihariye, kuchh purani mohabbaton ko yaad kariye, aur kuchh nayi bhi farmaiye. Yah pustak ek kahani sangrah hai, aur isme kul milakar nau kahaniyan hai. In kahaniyon ke naam hai: ‘Phir ek parwaz’, ‘Vicky Malhotra ka pyaar’, ‘19 tiyaan 57’, ‘Basti-basti dher udasi’, ‘Atariya pe lotan kabutar re’, ‘Balamwa tum kya jaano preet’, ‘Cute Mohar Singh’, ‘Bin poonchh ke tadpole’, aur ‘Canvas ke joote aur raatrani ke phool’.