Klassiek reeks: ’n Ander land

Teen die einde van die negentiende eeu kom ʼn middeljarige besoeker uit Europa in die binneland van Suid-Afrika aan. Versluis is ʼn afsydige Nederlander wat na Bloemfontein kom om van tering te herstel. Hy verken die vreemde land en doen algaande kennis en begrip op van dít wat tot dusver vir hom vreemd was. Dit word ook, uiteindelik, ʼn voorbereiding op die onafwendbare einde van die reis: die dood. Die “ander land” word nie net geografies bedoel nie, maar ook die reis na die onbekende. Gerrit Olivier het geskryf: [dis] geen historiese roman nie, maar ʼn boek oor die menslike kondisie”, en “groot nie net in omvang nie, maar ook in emosionele diepte en vervlegting van motiewe”.

Please note: This audiobook is in Afrikaans.

©2015 NB Publishers (P)2015 NB Publishers

Karel Schoeman, Top Skrywer...

Elmien, ja, Karel Schoeman is 'n Andersoortige "Verteller", 'n Poëtiese Meevoerder wat jou "op reis neem" na 'n dieper wêreld, 'n Wêreld van die Top Aftikaanse Lektuur, sy boeke is, elkeen daarvan, vir die meer gesofisikeerde Fynproewer Leser, soos Goeie Ou Beleë Wyn uit die Kelder, jy moet dit "proe, proe" lees terwyl, in jou gedagtes jy Saam op Reis meegevoer word!! Vir die haastige leser wat na spanning en aksie soek, of daardie persoon wat verlang na "Fiksie of selfs Romanse", NEE, dit gaan jy dit nie by Karel vind nie, sy lektuur is vêr daarbó verhewe, in 'n ander klas, vir Eiesoortige Lesers!!

Diep woorde

Karel Schoeman weet hoe om gedagtes en woorde ineen te vleg om die leser deel te maak van die gebeure.

Exquisite - both writing and reading!

Karel Schoeman op sy beste! Die beskrywing van die reis, omgewing en mense is byna poëties!
En Nic de Jager se voorlesing: onvergeetlik! Veral die verskillende karakters se 'stemme'

Pragtig!

n Besondere verhaal wat n mens op vele vlakke laat dink, en dieper lewensinsig verleen. Die taal is roerend, en waardig om as kuns beskou te word. Hierdie is klassieke letterkunde wat oor en oor geluister kan en behoort te word.

Wat se teleurstelling

Die karakters kort diepte... tog is dit een van die boeke met die meeste byvoeglike woorde wat ek nog ooit aangehoor het.. maar dit verleen min gevoel, diepte of storie.