Ver Wink die Suiderkruis [Far Wink the Southern Cross]

De: Irma Joubert

Narrado por: Andrea Winckler

Dis 1933 - ses jaar voor die Tweede Wêreldoorlog. Kate Woodroffe was nog die heeltyd in watte toegedraai en soos ’n porseleinpoppie opgepas totdat sy besef dat daar ’n ander wêreld bestaan as die herehuis in Parktown Ridge.

Haar studierigting bring haar in aanraking met die verwoestende armoede van Vrededorp, skaars tien kilometer van waar sy woon, en sy besluit om ’n verskil te maak in die stukkende wêreld om haar. Maar die man wat haar pa aanstel om haar op te pas terwyl sy navorsing doen in die agterbuurte, krap haar netjiese planne deurmekaar. Want hy leer haar hart vlieg, laat ’n vreugde diep binne-in haar oopbreek. Maar hy ketting haar ook vas.

In die regte lewe is daar nie ’n óns nie, Kate....' Kate weet dit. Sy is ryk John Woodroffe se dogter, midde-in die wurgende depressie, die armblankes oral, die woedende myners diep in haar pa se goudmyne. En Bernard Neethling is ’n mynwerker. Hul wêrelde is onversoenbaar. En dis ononderhandelbaar. Albei weet dit. Maar hy skulp haar toe met sy krag, sy warmte. Hy wil die Suiderkruis vir haar pluk. En dit, weet Kate, sal makliker wees as om hul liefde te laat blom.

Please note: This audiobook is in Afrikaans.

©2013 LAPA Publishers (P)2022 LAPA Publishers

Pragtig!

Ek kon nie ophou luister nie. Pragtige storie waarvoor goeie navorsing weereens nodig was. Andrea Winckler lees dit puik voor.

Amazing

Wow dit is ongelooflik goed, kon nie ophou luister nie! Irma Joubert jy kan mens terug vat nou ou, ou dae!

Best narration thus far.

Thank you Andrea Winckler for the remarkable narration, Irma, thank you, it is a good book, I thoroughly enjoyed.

Irma Joubert, jy mág maar!

Ek het die verhaal baie geniet.
Die voorleser was uitstekend.
Ek sien uit na jou volgende boek.
Rina

Laat dink storie

Die storie laat mens dink aan die begin (Die geskiedenis deel) en dan daarna die mooi romanse deel. Ek hou baie van Irma Joubert se boeke.

Die boek tussen stasies kry jy weer met die familie te doen en is basies n opvolg van die boek.

Asemrowend mooi

Uitstekend! My hart het gebloei, my trane geloop soos die storie my aangeraak het. Nou koop ek die hardeband om altyd in my boekrak aan te hou en aan my dogter eendag te gee.

Verkleinwoordjies laat dit klink soos ‘n kinderstorie.

Wat is dit met al die verkleinwoordjies? Te veel, doen afbreek aan die storie. Het gesukkel om deur die storie te kom, het opgegee. Die taalgebruik is soos vir ‘n kinderstorie.