Episodios

  • KARUMUNA-UBUCURUZI N'UBUSHINGANTAHE

    KARUMUNA-UBUCURUZI N'UBUSHINGANTAHE
    Jul 7 2025
    Wiriwe Maine – Ikiganiro kuri Gloriose Karumuna, Umucuruza w’Umurundikazi muri Leta ya Maine

    Murakaza neza muri "Wiriwe Maine", ikiganiro kibazanira intahe, ubuhamya, n’akaranga k’abimukira baba mu buraruko bwa Leta Zunze Ubumwe za Amerika, cane cane muri Maine ariko tutibagiye n’ahandi ku isi.

    Muri kino gice, turaganira na Gloriose Karumuna, umukenyezi w’Umurundikazi amaze imyaka irenga 10 aba i Portland, Maine. Aratubwira icamutumye kwugurura Glory Store LLC, ubucuruzi bw’ibifungurwa biva mu bihugu vy’Afurika, n’ukuntu ashira imbere akaranga n’umuco w’iwabo.

    Gloriose aturuka i Kiganda, hagati mu Burundi, aho hahoze himikirwa abami, akaba n’umwe mu bakenyezi bake b’inkerebutsi bagize urwego rw’Abashingantahe. Aratubwira kandi uko abonye uruhara rw’uwo muco mu buzima bwo mu mahanga, hamwe n’ukuntu akaranga gashobora gufasha imiryango kuguma ihagaze neza, abana ntibatakaze imizi.

    🎙️ Ntimuce iruhande!
    Más Menos
    57 m
  • GUKOMEZA UBUCUTI BICIYE MU NKINO

    GUKOMEZA UBUCUTI BICIYE MU NKINO
    Jun 8 2025
    Umurwi witiriwe Team 257 Maine-USA warakiriye mugenzi wawo wa FBM (Fraternité Burundaise de Montréal) wo muri Canada mu rukino rwo kwishura. Ni ama ekipe ya Basketball.
    Irushanwa ryabereye mu nzu y’imikino ku wa gatandatu igenekerezo rya 17 Rusama 2025, guhera isaha icenda z’umuhingamo (isaha yo muri Maine), ku kibuga ca Riverton Community Center mu muji wa Portland, Maine. Umukino warangiye Team 257 Maine-USA itsinze ku manota 74 kuri 52 y'abashitsi baje baturutse mu gihugu kibanyi ca Canada. Abateguye uru rukino bavuga ko inkino ziri mu bintu bituma Abarundi batibagira i wabo, bagumana amagara meza kandi bakomeza n'umuco ubaranga.
    Más Menos
    46 m
  • INYUMA Y-IMYAKA 9 ANYURUJWE, UMUKENYEZI W’UMUMENYESHAMAKURU JEAN BIGIRIMANA ARACASABA UBUTUNGANE

    INYUMA Y-IMYAKA 9 ANYURUJWE, UMUKENYEZI W’UMUMENYESHAMAKURU JEAN BIGIRIMANA ARACASABA UBUTUNGANE
    May 18 2025
    Godeberthe Hakizimana, umukenyezi w’umumenyeshamakuru Jean Bigirimana w’Umurundi yanyurujwe mu mwaka wa 2016, n’ubu aracasaba ubutungane n’ukuri kuvyashikiye umugabo wiwe. Amjambo Africa yamusanze mu muji wa Kigali ku murwa mukuru w’u Rwanda aho yahungiye. Yayibwiye ko n’ubu atazohumeka gusaba ubutungane bw-Uburundi gukora amatohoza yigenga kugira ukuri kumenyekane kuvyashikiye umunega wiwe. Abantu n’imiryango babuze ababo, abahohotewe, abo ababo banyurujwe, canke baburiwe irengero-umupfasoni Hakizimana abasaba kudacika intege akabahamagarira kwiyubaka.
    Más Menos
    44 m
  • IKIGANIRO – MARGUERITE BARANKITSE

    IKIGANIRO – MARGUERITE BARANKITSE
    Apr 27 2025
    Marguerite Barankitse: Umumarayika w’i Burundi, “MERE TEREZA WO MURI AFRIKA” agumana icizere c’akazozaMarguerite Barankitse, azwi nk’Umumarayika w’i Burundi canke Mère Teresa wa Afrika, ni umukenyezi azwi cane mu bikorwa vy’imbabazi no gutabara abatishoboye muri Afrika. Yavutse mu 1957 mu ntara ya Ruyigi, mu buseruko bw’u Burundi. Uwo mugore w’umu Kristu akomoka mu bwoko bw’Abatutsi yahariye ubuzima bwiwe gukingira abana bagizweko ingaruka n’intambara zishingiye ku bwoko n’ivyiyumviro vya poritike mu gihugu ciwe.Mu 1993, igihe Uburundi bwadukamwo intambara n’ubwicanyi vyakurikiye iyicwa rya Perezida Melchior Ndadaye, Umuhutu wa mbere yaratowe mu kibanza c’umukuru w’igihugu akicwa inyuma y’amezi atatu gusa atwara, umukenyezi Barankitse yabonye n’amaso yiwe ubwicanyi bwabereye muri diyoseze ya Ruyigi. Yabashije gukiza abana 25 bari bagiye gupfa. Ico gikorwa catanguje Maison Shalom, ikimenyetso c’amahoro no kwiyunga. Mu myaka yose yakurikiye, ico kigo caritayeho, caravuye kandi carigishije abana barenga 47.000, ata gutandukanya ubwoko. Amashure, amavuriro, amazu, n’amashirahamwe yo kwigisha kwiziganiriza vyarubatswe biciye ku buyobozi bwiwe.Kubera ibikorwa vyiwe vy’akaroruhore, yarashimiwe n’ibigo mpuzamakungu bitandukanye, harimwo ibi bihembo bikomeye:
    • Agashimwe k’Uburenganzira bwa muntu (Ubufaransa, 1998)
    • Agashimwe k’Amajepfo n’Amajyaruguru k’Inama y’Uburayi (2000)
    • Agashimwe k’Abana bo kw’isi yose (2003)
    • Agashimwe ka Nansen k’impunzi (HCR, 2005)
    • Agashimwe ka Opus (2008)
    • Agashimwe k’ukurwanya amakimbirane – Fondasiyo Chirac (2011)
    • Agashimwe k’Aurora ko Gukangura Ubumuntu (2016)
    Mu 2015, amaze kunegura ikiringo ca gatatu ca Perezida Pierre Nkurunziza, yaciye ahungira hanze. Mu Rwanda ahaba, yagumije ibikorwa vyiwe, ashinga Ikigo c’Umuryango w’Amahoro i Kigali – ahakirirwa, higishirizwamwo kandi havurirwamwo impunzi z’Abarundi.Vyongeye, yatanguje Fondasiyo Marguerite Barankitse, igamije guteza imbere impunzi no gushigikira imigambi y’amahoro, ubutungane n’iterambere rirama.Naho hari itegeko mpuzamakungu ryatanzwe ngo atabwe muri yompi n’ubutungane bw’i Burundi, ntivyigeze bimutera ubwoba canke ngo bimuce intege mu migambi n’imigabo vyiwe. Marguerite Barankitse ni ishusho y’icizere ku bantu bariko barababara, kandi ni n’igicapo c’urukundo, ubutungane, ubuntu n’icubahiro muri kubu na kazoza.
    Más Menos
    1 h y 11 m
  • March 16, 2025

    March 16, 2025
    Mar 16 2025
    52 m
  • February 25, 2025

    February 25, 2025
    Feb 25 2025
    47 m
  • February 02 2025

    February 02 2025
    Feb 6 2025
    49 m
  • January 12 2025

    January 12 2025
    Feb 6 2025
    37 m