Send us a text

Filippense 2:3-4 Moet niks uit selfsug doen of om daarmee te spog nie. Wees eerder nederig deur van medegelowiges meer te dink as van jouself. Julle moenie net elkeen na sy eie belange omsien nie, maar ook na mekaar se belange.

In die lewe wat net elke dag besiger en besiger word, is dit soms die moeite werd om selfondersoek te doen. Vra jouself af: hoekom het ek daardie ding gedink, gesê of gedoen? Hoekom het ek daardie negatiewe gedagtes oor my suster gehad? Hoekom het ek my huweliksmaat afgejak? Hoekom het ek geld gemors op daardie nuttelose artikel of speelding? Hoekom?

Die rede waarom ek dit vandag met jou deel, is omdat ons te dikwels uit selfsug, en soms uit trots, dinge dink, sê en doen. Ja, my vriend, ons weet almal die gemiddelde mens is 'n ongelooflike selfsugtige wese.

Dis aaklig! Een van die belangrikste dinge wat ons ons kinders van kleins af moet leer, is, om nie selfsugtig te wees nie. Want mettertyd soos hulle grootword – soos ons ook grootgeword het – verander daardie selfsug so maklik in 'n gevoel van trots.

Wees eerlik. As jy dink aan jou hantering van diegene rondom jou, in watter mate het daardie twee karperde – selfsug en trots – jou gedrag beïnvloed? Miskien is dit tyd vir 'n realiteitstoets.

Filippense 2:3-4 Moet niks uit selfsug doen of om daarmee te spog nie. Wees eerder nederig deur van medegelowiges meer te dink as van jouself. Julle moenie net elkeen na sy eie belange omsien nie, maar ook na mekaar se belange.

Hoe hanteer jy jou selfsug en trots wanneer dit moeilik is om jou emosies te beteuel? Hulle steek immers al te dikwels hul lelike koppe uit - veral wanneer jy onder druk is of wanneer jy selfs seerkry in die proses. Hoe, vra ek jou?

Die antwoord is om vir ander om te gee. Stel ongeveins belang in wat in hulle lewens aangaan.

Dit is snaaks hoe selfsug en trots verdamp, wanneer jy opreg omgee en opreg besorg is oor die behoeftes van ander.

Dit is God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Spreuke 31:8-9 Praat namens hulle wat nie self kan praat nie. Verseker dat daar reg geskied aan hulle wat hulpeloos is. Maak oop jou mond en lewer regverdige uitsprake. Laat reg geskied aan armes en ellendiges. (NLV)

Die manier waarop mense hul menings en bekommernisse oor besluite en die besluitnemingsproses uitspreek, word al hoe partydiger, al hoe onredeliker en getuig soms van slegte smaak. Die sosiale media speel natuurlik ‘n baie groot rol daarin om mense se opinies te beïnvloed. Dis ontstellend, nè?

Dié aan die linkerkant van die politiek is teen dié aan die regterkant, en omgekeerd. Die omgewingsbewustes is teen die nyweraars; die nyweraars is teen die omgewingsbewustes; die wêreldwye tegnologiemaatskappye is teen regeringsreguleerders, en … wel, ek is seker jy kan baie ander partye noem wat ook lynreg teenoor mekaar staan.

Maar hierdie mense wat soveel lawaai maak, vergeet van die klein mensies; die mense sonder die regte tipe geld, die mense sonder 'n stem, wat in die proses verpletter word.

Kan ek jou die ding vertel wat my regtig ontstel? Dit is dikwels die Christene wat hulle stemme dik maak en hul regte laat geld, terwyl hulle swyg oor die onregte wat aan die klein mensies gedoen word.

Elon Musk, ‘n ou wat party mense haat, en ander mense bewonder, is ‘n baie interessante openbare figuur. Iets wat hy onlangs gesê het, het my oog gevang: Tensy Christene dapperder optree en bereid is om op te staan vir wat reg en regverdig is, sal die Christendom vergaan.

Dit is miskien 'n bietjie van 'n oorbeklemtoning, maar dit is ontstellend. Ons het hom al in die laaste ruk leer ken as ‘n baie uitgesproke ou, maar ons verstaan sy punt. Waar is die Christene? Hoekom is hulle so stil as dit kom by die arrogante, ydel opmerkings van die uitgesprokenes?

Soos die 18de eeuse Ierse staatsman, Edmund Burke, opgemerk het, is die enigste ding wat nodig is vir die oorwinning van die bose, dat goeie mense niks doen nie.

Spreuke 31:8-9 Praat namens hulle wat nie self kan praat nie. Verseker dat daar reg geskied aan hulle wat hulpeloos is. Maak oop jou mond en lewer regverdige uitsprake. Laat reg geskied aan armes en ellendiges. (NLV)

Dit is God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Hebreërs 3:13 Julle moet mekaar van dag tot dag aanspoor, ja, so lank as wat die “vandag” nog bestaan, om te keer dat een van julle deur die verleidelikheid van die sonde verhard word. (NLV)

‘n Mens hou nie daarvan om ander mense te etiketteer nie, maar kom ons wees eerlik, sommige mense is sommer net onaangenaam. Jy ken hulle, ek ken hulle … maar die vraag is, ontmoet jy elke oggend een wanneer jy in die spieël kyk?

‘n New Yorkse eiendomsmagnaat en hoteleienaar, Leona Helmsley, het in die vorige eeu die reputasie as een van die onaangenaamste openbare figure van haar tyd ontwikkel. Saam met haar man het sy 'n groot hotelindustrie ontwikkel.

Leona was veral bekend vir haar genadelose sakevernuf, die manier waarop sy haar werknemers mishandel het en haar bekende neerhalende houding. Haar ondergang het gekom toe sy in 1989 aan belastingontduiking skuldig bevind is. Tydens haar verhoor het een van haar voormalige werknemers getuig dat sy gesê het: "Ons betaal nie belasting nie. Net die gewone onbelangrike klein mensies betaal belasting." Sjoe! Dis darem neerhalend, nè?

Daar word gesê dat elkeen van ons die mag het om iemand anders gelukkig te maak. Sommige doen dit deur die kamer binne te kom, ander deur dit te verlaat. Die vraag wat ons onsself redelik gereeld moet afvra, is watter een is ek?

Terwyl jy daaroor nadink, kyk hierna; dit is goed, baie goed.

Hebreërs 3:13 Julle moet mekaar van dag tot dag aanspoor, ja, so lank as wat die “vandag” nog bestaan, om te keer dat een van julle deur die verleidelikheid van die sonde verhard word. (NLV)

Wanneer iemand ander persone aanmoedig, is dit ‘n teken van ‘n goeie hart, 'n goeie mens. Die soort mens wat mense gelukkig maak wanneer hulle by die kamer instap. Deur ‘n ander persoon te help … bied jy 'n kragtige teenvoeter vir die onaangename een.

Dit is God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Lukas 13:10-15 Een Sabbatdag, terwyl Jesus in die sinagoge onderrig gegee het, het Hy ’n vrou gesien wat deur ’n bose gees inmekaargetrek is. Sy was vir agtien jaar lank kromgetrek en kon nie regop staan nie. Toe Jesus haar sien, roep Hy haar nader en sê: “Vrou, jy is van jou kwaal genees!” Toe het Hy haar aangeraak en sy kon dadelik regop staan. Hoe het sy God nie geloof en gedank nie! Maar die hoof van die sinagoge was verontwaardig dat Jesus haar op die Sabbatdag genees het. “Daar is ses dae van die week om te werk,” het hy vir die skare gesê. “Kom op daardie dae om genees te word, nie op die Sabbat nie.” Maar die Here antwoord hom: “Julle huigelaars! Julle werk op die Sabbatdag! Wie van julle maak nie op die Sabbat julle os of donkie los in die stal en lei hom uit om te drink nie? (NLV)

“Godsdiens” is 'n woord waarmee ek nie gemaklik is nie. Ek weet dis 'n algemeen gebruikte term wat almal gee aan 'n georganiseerde geloofstelsel. Maar ek hou steeds nie daarvan nie. Hoe voel jy daaroor?

Hoekom hou ek nie daarvan nie? Omdat soveel slegte dinge in die verlede in die naam van “Christelike godsdiens" gedoen is. En ek wys nie die vinger hier na enige ander godsdienste nie, kom ons draai nie doekies om nie, kom ons vlek die saak tot op die been oop. Soveel slegte dinge is gedoen in die naam van die Christelike godsdiens en sy godsdienstige tradisies.

Maar moenie dink dis ‘n nuwe ding nie, kom ons kyk wat het in Jesus se tyd gebeur:

Lukas 13:10-15 Een Sabbatdag, terwyl Jesus in die sinagoge onderrig gegee het, het Hy ’n vrou gesien wat deur ’n bose gees inmekaargetrek is. Sy was vir agtien jaar lank kromgetrek en kon nie regop staan nie. Toe Jesus haar sien, roep Hy haar nader en sê: “Vrou, jy is van jou kwaal genees!” Toe het Hy haar aangeraak en sy kon dadelik regop staan. Hoe het sy God nie geloof en gedank nie! Maar die hoof van die sinagoge was verontwaardig dat Jesus haar op die Sabbatdag genees het. “Daar is ses dae van die week om te werk,” het hy vir die skare gesê. “Kom op daardie dae om genees te word, nie op die Sabbat nie.” Maar die Here antwoord hom: “Julle huigelaars! Julle werk op die Sabbatdag! Wie van julle maak nie op die Sabbat julle os of donkie los in die stal en lei hom uit om te drink nie? (NLV)

Godsdienstige mense sal 'n persoon vernietig om 'n tradisie te red. Jesus sal 'n godsdienstige tradisie verbreek om 'n mens te red. Dit is die verskil.

En dit is God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Handelinge 1:6-8 Toe hulle 'n keer weer bymekaar was, het hulle vir Jesus gevra: “Here, is dit nou die tyd dat U die koninkryk vir Israel weer gaan oprig?” Hy het hulle geantwoord: “Dit is nie vir julle om die tyd en omstandigheid te weet wat die Vader in sy eie mag bepaal het nie. Maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judea en in Samaria en tot in die uithoeke van die wêreld.

Ons leef vandag in ‘n wêreld vol van soveel leë beloftes. Jy kan nie eers vyf minute aanlyn spandeer sonder dat die een of ander advertensie opduik wat die een of ander wonderwerkende produk adverteer nie. Meestal is dit net baie lawaai, maar wanneer jy gedaan is – soos wat ons al te dikwels in hierdie vinnige wêreld is – kan hulle maklik jou met hulle beloftes oortuig en mislei.

So in plaas daarvan, gaan ek vandag iets met jou deel, iets wat waar is, iets wat nooit sal misluk nie, iets wat ‘n ryk, oorvloedige lewe bring. Ná Jesus se dood en opstanding het sy dissipels na 'n hemelse oplossing vir hulle wêreldse probleem gesoek. Hulle wou hê dat Jesus hulle uit die Romeinse beheer bevry.

Handelinge 1:6-8 Toe hulle 'n keer weer bymekaar was, het hulle vir Jesus gevra: “Here, is dit nou die tyd dat U die koninkryk vir Israel weer gaan oprig?” Hy het hulle geantwoord: “Dit is nie vir julle om die tyd en omstandigheid te weet wat die Vader in sy eie mag bepaal het nie. Maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judea en in Samaria en tot in die uithoeke van die wêreld.

In beide die Ou Testament (in Hebreeus) en die Nuwe Testament (in Grieks) beteken die woorde vir “die Heilige Gees” basies 'n rukwind, 'n asem … die asem van die lewe.

God kan besluit om jou omstandighede te verander. Dit hang net van Hom af. Maar wanneer jy Jesus volg, wanneer jy een van sy dissipels word, sal Hy jou met sy asem vul, met sy Gees. En dié krag sal jou bemagtig en jou die krag gee om ander van Hom te vertel. Heilige Gees Krag.

Dit is God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Esegiël 37:5,6 So sê die Here my God vir hierdie bene: “Ek gaan gees in julle laat kom sodat julle kan lewe: Ek sal vir julle senings en vleis aansit en julle oortrek met vel en dan sal Ek gees in julle gee sodat julle kan lewe. Dan sal julle besef dat Ek die Here is.”

Die eenvoudigste dinge in die lewe hou soms die grootste voordele in. En dan kom ons en ons ignoreer hulle tot ons eie skade.

Het jy geweet dat die proses wat hulle ‘diep asemhaling’ noem, wetenskaplik bewese gesondheidsvoordele inhou? Diep asemhaling behels dat jy stadig deur die neus inasem, jou longe met suurstof vul, dit inhou en dan stadig deur die mond uitasem. Dit help om die hoeveelheid suurstof in die bloed te verhoog, bloeddruk en hartklop te verlaag en spierspanning te verminder. Dit verminder met die gevolg ook stres en angs. Met ander woorde, dieselfde asem wat ons lewe gee, kan doelbewus aangewend word om ook ons lewenskwaliteit te verbeter.

Daar is tye wanneer die druk, die sleur van die lewe, die oorhand oor jou kry. Aanvanklik merk jy dit nie eintlik op nie, maar bietjie vir bietjie vreet die lewe aan jou, tot op die stadium wat jy, die asem van die lewe self nodig het:

Esegiël 37:5,6 So sê die Here my God vir hierdie bene: “Ek gaan gees in julle laat kom sodat julle kan lewe: Ek sal vir julle senings en vleis aansit en julle oortrek met vel en dan sal Ek gees in julle gee sodat julle kan lewe. Dan sal julle besef dat Ek die Here is.”

My vriend, dit is God wat vandag met jou praat. Hy wil sy asem in jou terugsit, jou weer lewendig maak – Hy wil jou vul met die ryk, oorvloedige lewe wat Hy altyd vir jou beplan het.

Ja, dit mag beteken dat daar soms beproewings, uitdagings en by tye lyding kan wees. Maar dis nietemin 'n oorvloedige lewe. Luister asseblief vandag na God, luister na sy roepstem, kom terug na Hom:

Ek gaan gees in julle laat kom sodat julle kan lewe... Dan sal julle besef dat Ek die Here is.

Dis Sy Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Job 33:4 Die Gees van God het my gemaak, die asem van die Almagtige het my die lewe gegee.

Daar is soveel gawes in die lewe wat ons as vanselfsprekend aanvaar. Ja, ons dink nie aan die lewegewende vermoë om in te asem, uit te asem, in te asem en uit te asem nie. Ek praat van die asem van die lewe.

Elke minuut van elke dag asem elk van die 8,23 miljard mense op hierdie aarde ongeveer 15 keer in en uit. Dit is 7 liter in, 7 liter uit. Dit veroorsaak 115 biljoen liter se lugbeweging elke minuut van elke dag deur die mensdom. Dit is vreeslik baie warm lug, nie waar nie?

Maar ons dink nie te veel aan al die ander mense se asemhaling nie, solank ons suurstoftoevoer ononderbroke aangaan - asem ons in, asem ons uit. Ons hou ook nie op om te dink ... wie daardie asem in die eerste plek in my longe gesit het nie!

Job 33:4 Die Gees van God het my gemaak, die asem van die Almagtige het my die lewe gegee.

Deesdae is ‘bewustheid’ die modewoord. Dit lui as volg: Stop net, maak jou oë toe en haal 'n paar keer diep asem en raak bewus van hierdie oomblik; konsentreer op jou gedagtes, emosies en sensasies sonder om te oordeel. Dit klink baie oulik om jou so doelbewus in te stel, maar my vriend, ek verkies God-bewustheid. Dit beteken vir my om net 'n oomblik te stop en om te onthou dat selfs iets so eenvoudig, so basies, so noodsaaklik vir die lewe soos asemhaal – asem in, asem uit – 'n geskenk van God is. 'n Wonderlike geskenk. Sy geskenk van lewe. Dink 'n paar keer elke dag daaraan - dit verander alles.

Die Gees van God het my gemaak, die asem van die Almagtige het my die lewe gegee.

Dis Sy Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Psalm 119:66-67 Gee my ’n wakker verstand en ’n kop vol kennis oor U, want ek glo al u voorskrifte. Vroeër het ek op verkeerde paaie geloop, maar daardie dae is vir goed verby; nou doen ek net wat U sê. (DB)

Dit is nogal verstommend hoe maklik ons emosies ons goeie gesonde verstand kan uitknikker. Alles ván trots tót vrees, van woede tot eensaamheid, kan veroorsaak dat ons baie verkeerde besluite neem; besluite waaroor ons uiteindelik baie spyt sal wees.

In 1812 het Napolean Bonaparte, die selfaangestelde keiser van Frankryk, 'n massiewe militêre veldtog teen Rusland geloods. Hy het met 600 000 soldate van verskeie Europese lande, een van die grootste leërs wat nog ooit in Europa versamel is, onder sy beheer, bymekaargemaak vir die aanval op Rusland.

Hy het die geografiese grootte van Rusland heeltemal onderskat; die strawwe klimaat geïgnoreer en nie rekening gehou het met die Russe se slim taktiek nie. Napoleon het geglo dat sy voortreflike militêre bekwaamheid en die blote grootte van sy Grande Armée 'n vinnige oorwinning sou verseker.

Napoleon se grootheidswaan het daartoe gelei dat hy, met rampspoedige gevolge, die waarskuwings en advies van sy eie generaals geïgnoreer het …. Sy leër is deur die vreeslike koue, hongersnood, siektes en voortdurende aanvalle deur Russiese magte vernietig. Slegs 100 000 van sy manskappe het lewend teruggekom Frankryk toe. Nie ‘n baie suksesvolle veldtog nie, of hoe!

So dink ‘n bietjie, wanneer laas het jy jou emosies toegelaat om jou goeie gesonde verstand te oorheers? En sê my, hoe goed het dit vir jou uitgewerk?

Psalm 119:66-67 Gee my ’n wakker verstand en ’n kop vol kennis oor U, want ek glo al u voorskrifte. Vroeër het ek op verkeerde paaie geloop, maar daardie dae is vir goed verby; nou doen ek net wat U sê. (DB)

God het jou onbeskryflik lief. Die laaste ding wat Hy wil hê, is dat jy die een flater na die ander moet maak. Vra Hom, want Hy sê – vra en vir julle sal gegee word. Vra dus: Here gee my ’n wakker verstand.

Dis Sy Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY