Send us a text

Hebreërs 10:24-25 Laat ons voortdurend aandag gee aan mekaar – oor hoe ons mekaar kan aanspoor tot liefde en goeie dade. En laat ons tog nie – soos party gemeentelede die gewoonte het – versuim om die gemeentebyeenkomste by te woon nie. Kom ons moedig mekaar aan, nog meer omdat ons sien dat die dag van Christus se koms al hoe nader kom. (NLV)

Ek hoop jy sal my vergewe as ek jou vandag 'n netelige vraag vra, maar … hoe vrygewig is jy? Nee, ek is ernstig, hoeveel van wat jy het en wie jy is, gee jy weg?

Andrew Carnegie, die 19de-eeuse Skotse nyweraar, is arm gebore, maar hy het een van die rykste manne ter wêreld geword. Hy het geglo dat die rykes 'n morele verantwoordelikheid het om hul rykdom tot voordeel van behoeftiges te versprei.

Hy het hierdie beginsel uitgeleef en miljarde dollar in vandag se geld weggegee en vervulling gevind in die hulp wat hy aan ander gegee het. Sy vrygewigheid het nie net die samelewing verander nie, maar dit het vir hom met 'n sin van doelgerigtheid geseën.

Ek vermoed jy dink nou: Ag nee wat, ek is tog nie een van die rykste mense ter wêreld nie. Miskien sukkel jy selfs dalk om kop bo water te hou. Maar daar is soveel meer wat ons kan gee as net geld.

Hebreërs 10:24-25 Laat ons voortdurend aandag gee aan mekaar – oor hoe ons mekaar kan aanspoor tot liefde en goeie dade. En laat ons tog nie – soos party gemeentelede die gewoonte het – versuim om die gemeentebyeenkomste by te woon nie. Kom ons moedig mekaar aan, nog meer omdat ons sien dat die dag van Christus se koms al hoe nader kom. (NLV)

Die gawe om mense aan te moedig is 'n onselfsugtige gawe van die sélf. Dit sal jou beslis iets kos, en tog kan dit letterlik die gawe van die lewe vir iemand anders wees – selfs van die ewige lewe! En wanneer jy daardie gawe gee, wanneer jy uitreik, volhard, liefhet, aanmoedig – sal jy ervaar hoe die seën van die Here ook op jou neerdaal.

Ons moet aanhou om mekaar aan te moedig.

Dis God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Spreuke 31: 25 – 29 Sy het innerlike krag en waardigheid. Sy is nie bekommerd oor die toekoms nie. Sy praat met wysheid, sy gee raad saam met liefde. Sy hou toesig oor alles wat in haar huis gebeur. Sy verdra nie luiheid nie. Haar kinders staan op en prys haar. Haar man spog met haar: “Daar is baie knap vroue, maar jy is die beste van almal!” (NLV)

Jare gelede het vroue geen regte gehad nie. Hulle was bloot die besittings van hulle vaders en later van hul mans. Gelukkig is daar groot vooruitgang gemaak ten opsigte van die regte van vroue, en daar is seker nóg wette in die toekoms in die vooruitsig. En tog wonder ek soms of ons in sommige opsigte nie heeltemal reg verstaan het wat dit beteken nie...

Moet 'n vrou dieselfde geleenthede as 'n man hê? Absoluut. Moet sy gelyke betaling vir gelyke werk kry? Natuurlik!

Maar wat van 'n vrou se plig teenoor haar gesin? Ons het gister oor 'n man se plig gepraat, maar dinge word baie moeiliker vir die vrou, aangesien sy immers kinders baar; en die feit dat die kinders gedurende hul eerste jare baie afhanklik van haar is.

Om daardie balans reg te kry, is nie maklik nie. Ongelukkig het sommige vroue se loopbane vir hulle so belangrik geword, dat hulle dít eerste gestel het en hul plig teenoor hulle gesinne begin afskeep het. Ons verstaan dat daar ‘n heftige reaksie was op die idee dat vroue, as die swakker geslag, ook die mindere vennoot in die huwelik is. So, wat is God se siening?

Spreuke 31:25-29 Sy het innerlike krag en waardigheid. Sy is nie bekommerd oor die toekoms nie. Sy praat met wysheid, sy gee raad saam met liefde. Sy hou toesig oor alles wat in haar huis gebeur. Sy verdra nie luiheid nie. Haar kinders staan op en prys haar. Haar man spog met haar: “Daar is baie knap vroue, maar jy is die beste van almal!” (NLV)

Wat 'n kragtige en positiewe siening oor vroulikheid. Elke vrou het 'n plig teenoor haar man en haar gesin. Kom dames, kry die regte perspektief op die lewe!

Dis God se Woord. Vars ... vir jou ... vandag

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

1 Petrus 3: En julle, mans, behandel julle vroue met respek. Leef saam met jou vrou in die besef dat, al is sy fisiek swakker as jy, sy saam met jou deel in die lewe wat God as geskenk gee. As jy haar só behandel, sal jou gebede nie geblokkeer word nie. (NLV)

Dwarsdeur die wêreld, verbrokkel gesinne. Nouja, ons erken dat daar ook nog gelukkige gesinne is, maar hulle word al hoe skaarser, nè? Ons sien almal hoe die invloed van tegnologie en die ek-gesentreerde lewenstyl ‘n ontsettende negatiewe impak op uitgebreide en kerngesinne het.

'n Belangrike bydraende faktor is sonder twyfel dat baie mans, om die een of ander rede, hulle pligsbesef teenoor hul gesinne verloor het. In baie dele van die wêreld is gesonde manlikheid glad nie meer belangrik nie. Mans respekteer, beskerm en koester nie meer hulle vrouens nie. Die kinders gehoorsaam nie meer hul ouers nie. En so het baie mans eenvoudig moed verloor. Dit voel asof die samelewing in baie gevalle moed verloor het.

Die Amerikaanse astrobioloog David Grinspoon het eendag gesê: Mense word deesdae aangemoedig om sommer maklik moed te verloor en handdoek in te gooi as dinge nie heeltemal na hulle sin verloop nie. Pessimisme word tweede natuur, want mense redeneer deesdae dat as hulle niks aan die saak kan doen nie, dit mos nie hulle verantwoordelikheid is nie!

Ag nou ja, dit gebeur oral, so ek kan maar netsowel met die stroom afvaar. Nee, mans, luister!

1 Petrus 3:7 En julle, mans, behandel julle vroue met respek. Leef saam met jou vrou in die besef dat, al is sy fisiek swakker as jy, sy saam met jou deel in die lewe wat God as geskenk gee. As jy haar só behandel, sal jou gebede nie geblokkeer word nie. (NLV)

Elke man het 'n plig teenoor sy vrou en sy gesin. Kom manne, kry die regte perspektief op die lewe!

Dis God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Matteus 7:13-14 “Gaan die koninkryk deur die nou poort binne. Want wyd is die poort, en breed is die pad wat na ondergang lei, en daar is massas mense wat daar ingaan. Hoe nou is die poort, en hoe smal is die pad na die lewe nie! Min is die mense wat dit kry!” (NLV)

Die verhouding tussen werk en rus is interessant. Baie mense werk so hard dat dit hulle vernietig. Ander mense ly weer aan ‘n ander siekte, naamlik: ‘te min werk en te veel rus’, wat hulle tot verveeldheid en eensaamheid dryf.

Dit is nie altyd maklik om 'n gelukkige middeweg tussen oorwerk en ‘niks-werk’ te vind nie. Wanneer ons jonk is en hard werk, al is dit ook baie bevredigend, hoop ons tog dat dit op 'n stadium makliker sal word. Ons verlang eintlik maar net na 'n gemaklike, kommervrye bestaan.

Dit is uitputtend om die regte ding te probeer doen wanneer almal anders die teenoorgestelde doen, nè? Dis beter om net voort te gaan en op die beste te hoop. Dit werk vir al die ander ouens.

Die maklike lewe is so aanloklik, nie waar nie? Die legendariese rockgroep ACDC, van die 1970’s, het destyds 'n treffer gehad met hul aansteeklike Rock liedjie, "Highway to Hell". Die lirieke praat van: Geen stoptekens, geen spoedbeperking. Niemand gaan my vertraag nie. Soos 'n wiel, gaan dit draai. Ek is op die snelweg na die hel. Snelweg na die hel.

Baie mense het met soveel ywer saamgedans op daardie wysie.

'n Paar jaar gelede het C.S. Lewis, die skrywer en teoloog, dit so gestel: Die veiligste pad na die hel is die geleidelike een – die sagte helling, sag onder die voete, sonder skielike draaie, sonder mylpale, sonder wegwysers.

En 'n paar duisend jaar tevore het Jesus dit so gestel:

Matteus 7:13-14 “Gaan die koninkryk deur die nou poort binne. Want wyd is die poort, en breed is die pad wat na ondergang lei, en daar is massas mense wat daar ingaan. Hoe nou is die poort, en hoe smal is die pad na die lewe nie! Min is die mense wat dit kry!” (NLV)

Moenie mislei word nie. Die maklike pad is die fatale snelweg na die hel.

Dis God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

2 Korintiërs 12:8,9 Drie maal het ek die Here gebid dat dit van my af weggeneem moet word. Sy antwoord was: “My genade is vir jou genoeg. My krag kom juis tot volle werking wanneer jy swak is.”.

Hou jy daarvan om uitgedaag te word? So ‘n bietjie, solank dit my net nie ongemaklik laat voel nie. Ons gee nie om vir so 'n bietjie fisiese, intellektuele of emosionele uitdaging nie … solank dit ons nie onseker maak nie. Ek dink dis hoekom die meeste mense sommer vinnig die makliker uitweg kies.

Ek het onlangs 'n interessante artikel van ‘n dame oor kognitiewe agteruitgang gelees. Die geleerde professor het gesê dat mense hier rondom sestig, 'n bietjie gemaklik raak. Hulle kan byvoorbeeld uitdagende en moeilike dinge vermy en op hul ervaring begin terugval. Dít, het sy gesê, is die ergste ding wat ons kan doen.

Volgens haar, moet ‘n mens fokus op uitdagende aktiwiteite wat jou uitdaag en jou brein laat groei. Dis goeie raad, maar moenie nou agteruitsit en sê: Maar ek is nog nie 60 nie! Sy het ook gesê dat die mens se brein eintlik al op dertig begin krimp.

So, hou jy daarvan om uitgedaag te word op 'n manier wat jou sal toets en selfs ongemak sal veroorsaak? Sommige atlete doen dit, maar die meeste mense is sku daarvoor. Ons is geneig om ‘n verskoning te soek en te sê, dit staan dan in die Bybel dat God getrou is en ons nie bo ons kragte sal versoek nie. Ons beskou sy liefde en trou as ‘n verskoning. Maar my vriend, dis nie reg nie. Dis die ergste ding wat ons kan doen.

Paulus het homself met die spreekwoordelike doring in sy vlees bevind.

2 Korintiërs 12:9 Drie maal het ek die Here gebid dat dit van my af weggeneem moet word. Sy antwoord was: “My genade is vir jou genoeg. My krag kom juis tot volle werking wanneer jy swak is.”

God sal ons nie meer verantwoordelikheid gee as wat ons kan hanteer nie. Hy help ons om te hanteer wat ons gegee word. Berei jouself voor om uitgedaag te word.

Dis Sy Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Spreuke 16:9 ’n Mens beplan sy koers, maar die Here bepaal sy bestemming.(NLV)

Elkeen van ons het soveel potensiaal. Selfvoldaanheid, oftewel selftevredenheid, is die hartseerste gesindheid van alle menslike gesindhede, want dit het die nare gewoonte om ons van ons potensiaal te beroof. Wie wil nou aan die einde van hul lewe kom en wonder … hoe anders kon my lewe nie gewees het nie?

Richard Branson is 'n huishoudelike naam. Hy is 'n buitengewone entrepreneur, 'n avonturier en, volgens alle verslae, 'n redelik ordentlike ou. Sy eerste sakeonderneming, op die ouderdom van 16, was 'n tydskrif genaamd Student. Hy het later met die Virgin Groep begin en sy ondernemings na meer as 400 maatskappye uitgebrei. Hy het selfs baanbrekerswerk gedoen in kommersiële ruimtetoerisme. Tog is hy as seun deur sy onderwysers beskryf as "'n bietjie lui en 'n bietjie onnosel." Wie sou dit kon dink?

Nouja, ons is nie almal Richard Bransons nie. Maar ons is elkeen geseën met ons eie potensiaal om van hierdie wêreld 'n beter plek te maak. Toe ons jonk was, het ons groot drome en baie planne gehad, maar ongelukkig het ons met die verloop van tyd die sorge van hierdie wêreld toegelaat om geleidelik oor te neem.

Soos iemand eenkeer geskryf het … Een lewe. Net één. Waarom hardloop ons nie asof ons aan die brand is om ons wildste drome te verwesenlik nie? Antwoord? Sekerlik selfvoldaanheid. Of miskien vrees vir die onbekende. Of miskien blameer ons ons omstandighede.

Spreuke 16:9 ’n Mens beplan sy koers, maar die Here bepaal sy bestemming. (NLV)

Miskien het jy 'n onvervulde droom – een wat God lank gelede op jou hart gelê het. Een waarna jy oor en oor in jou gedagtes terugkeer. Waarom staan jy nie op … en laat die Here jou voetstappe lei nie? Weet jy, as daardie planne van Hom af kom, sal Hy jou sonder twyfel daardeur lei.

Dis Sy Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Matteus 7:3-5 “Waarom sien jy die splinter raak wat in jou broer se oog is, maar die balk in jou eie oog merk jy nie op nie? Of hoe kan jy vir jou broer sê: ‘Wag, laat ek die splinter uit jou oog uithaal,’ en intussen is daar 'n balk in jou eie oog? Huigelaar! Haal eers die balk uit jou eie oog uit, dan sal jy goed kan sien om die splinter uit jou broer se oog uit te haal.

Mense is darem snaakse wesens, nè? Aan die eenkant smag ons na nabyheid, na liefde, na intimiteit, en tog, hoe nader ons aan iemand kom, hoe maklikerkritiseer ons hulle en hoe meer konsentreer ons op hulle swakhede. Hoekom is dit so?

Weet jy, Napoleon en Josephine was innig lief vir mekaar. Maar ten spyte van hul liefde, het sy oorheersende geaardheid en haar onvermoë om aan sy verwagtinge te voldoen, gelei tot ernstige konflik en uiteindelik tot ‘n egskeiding. Soos so dikwels die geval is, het hul persoonlike swakhede, hulle aanvanklik opregte toegewyde gevoelens, vernietig.

Hoe dikwels het daardie scenario homself deur die eeue in verhoudings afgespeel? En die rede is altyd dieselfde. Jesus het dit so gestel:

Matteus 7:3-5 “Waarom sien jy die splinter raak wat in jou broer se oog is, maar die balk in jou eie oog merk jy nie op nie? Of hoe kan jy vir jou broer sê: ‘Wag, laat ek die splinter uit jou oog uithaal,’ en intussen is daar 'n balk in jou eie oog? Huigelaar! Haal eers die balk uit jou eie oog uit, dan sal jy goed kan sien om die splinter uit jou broer se oog uit te haal.

Hoe nader jy aan iemand kom, hoe makliker is dit om die splinter in hulle oog te sien. Hoe meer irriteer dit jou. Hoe meer aanstoot gee dit jou. En dan voel jy dat die ander persoon moet verander.

Huigelaar! Haal eers die balk uit jou eie oog uit, dan sal jy goed kan sien om die splinter uit jou broer se oog uit te haal.

Dis God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Johannes 11:40 Jesus sê toe vir haar: “Het Ek nie vir jou gesê dat as jy glo, jy die heerlikheid van God sal sien nie?” (NLV)

Gebeur wonderwerke nog steeds? Sê my, wanneer laas het jy iets so buitengewoons, so buitengewoons ervaar, dat jy dit as niks anders as ‘n wonderwerk kan beskou nie? Of het sommige mense net 'n ooraktiewe verbeelding om iets wat sommer net toevallig was, as ‘n "wonderwerk" te bestempel?

Ek het self nog nooit gesien hoe iemand 'n nuwe ledemaat kry waar een geamputeer is nie. Ek het ook nog nooit gesien hoe 'n glasoog in iemand se oogkas met 'n regte een vervang is nie. En ek het beslis nog nie gesien hoe iemand wat fisies dood was, weer lewendig geword het nie.

Lasarus was 'n goeie vriend van Jesus. Hy het gesterf. Hulle het laat weet dat hy siek is, maar Jesus het doelbewus getalm. Teen die tyd dat Hy daar aangekom het, was Lasarus al vier dae in 'n graf. Sy liggaam was teen hierdie tyd nie meer so vars nie! Toe Jesus vir hulle sê om die klip weg te rol, het Marta, Lasarus se suster, geprotesteer: "Dit sal sleg ruik!"

Johannes 11:40 Jesus sê toe vir haar: “Het Ek nie vir jou gesê dat as jy glo, jy die heerlikheid van God sal sien nie?” (NLV)

Nie alle wonderwerke vind voor jou oë plaas nie. Sommige dinge gebeur in ’n ‘stadige oond’. Eers wanneer jy terugkyk oor die jare, skud jy jou kop en wonder: “Hoe het God dit gedoen?”

Sommige dinge gebeur deur wonderbaarlike tydsberekening of voorsiening en jy staan verstom wanneer jy besef dat God aan die werk is, wanneer jy dit die minste verwag.

Wat ook al op die oomblik met jou aan die gang is … hou jou oë oop. Want as jy werklik glo, sal jy die heerlikheid van God sien!

Dis Sy Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY