Send us a text

Handelinge 8:9,20-24 In dieselfde stad was daar 'n man met die naam Simon, wat die inwoners van Samaria met sy toorkunste verstom het. Maar Petrus antwoord hom: “Gaan na die verderf met jou geld en al! Dink jy jy kan die gawe van God met geld koop? In hierdie werk is daar vir jou geen plek nie, want jou gesindheid teenoor God is nie reg nie. Bekeer jou van hierdie dwaling en bid tot die Here: miskien sal Hy jou hierdie gesindheid van jou hart vergewe. Ek sien jy is deur afguns vergiftig en deur die sonde verstrik.” Toe sê Simon vir die apostels: “Bid júlle tog vir my tot die Here, sodat niks van wat julle gesê het, my tref nie.”

Daar is tye wanneer die bose ons heeltemal onverhoeds betrap. Mense, omstandighede, stelsels en sosiale ordes val ‘n mens aan wanneer jy iets goeds probeer doen. Het dit ook al met jou gebeur? Ja, my vriend, daar is op die ou end niks nuuts daaraan nie.

Kyk net wat het met Jesus se apostels gebeur terwyl hulle besig was om goed te doen:

Handelinge 8:9 In dieselfde stad was daar 'n man met die naam Simon, wat die inwoners van Samaria met sy toorkunste verstom het.

Die mense was baie beïndruk met sy towerkunsies. Toe Simon, die towenaar, egter die ongelooflik kragtige wonderwerke van die apostels sien, het hy aangebied om hulle te betaal vir hulle ‘geheime krag’ wat baie beter as syne was.

Handelinge 8:20-24 Maar Petrus antwoord hom: “Gaan na die verderf met jou geld en al! Dink jy jy kan die gawe van God met geld koop? In hierdie werk is daar vir jou geen plek nie, want jou gesindheid teenoor God is nie reg nie. Bekeer jou van hierdie dwaling en bid tot die Here: miskien sal Hy jou hierdie gesindheid van jou hart vergewe. Ek sien jy is deur afguns vergiftig en deur die sonde verstrik.” Toe sê Simon vir die apostels: “Bid júlle tog vir my tot die Here, sodat niks van wat julle gesê het, my tref nie.”

Moenie geïntimideer word wanneer die bose jou aanval nie. Want die Een wat in jou is, is groter as die Een wat in die wêreld is.

Dis God se Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

1 Johannes 3:8 wie aanhou sonde doen, behoort aan die duiwel, want die duiwel hou van die begin af aan met sondig. En die Seun van God het juis gekom om die werk van die duiwel tot niet te maak.

‘Boos’, is ’n sterk woord. Daar is nie baie dinge in ons lewens wat ons as boos sou bestempel nie. ‘Boos’ pas by ’n moordenaar, of ’n kindermolesteerder, nè? Maar dinge in ons eie lewens? Nee, nouja, nie regtig nie.

En tog kan ons almal terugkyk na ’n paar besonder slegte dinge wat ons gedoen het – miskien is daar een of twee wat nog steeds in jou lewe voorkom. Dink aan mans wat dikwels onnadenkend hard met hul vrouens praat, en dag na dag daardie kosbaarste verhouding vernietig.

Mense in die werkplek wat spog en die krediet neem vir wat ander gedoen het. Ons kan ’n lys, so lank soos môre heeldag, aframmel van gewone, alledaagse dinge wat eintlik, gegewe hul vernietigende impak, as ‘boos’ bestempel behoort te word.

1 Johannes 3:8 ...wie aanhou sonde doen, behoort aan die duiwel, want die duiwel hou van die begin af aan met sondig. En die Seun van God het juis gekom om die werk van die duiwel tot niet te maak.

God se siening is baie duidelik en ek dink ons sal met Hom saamstem dat ons sonde boos is. Hy draai nooit doekies om nie, Hy verbloem nie die waarheid nie. Maar die goeie nuus van die Evangelie van Jesus Christus is dat Hy gekom het om die duiwel se werk te vernietig.

Met ander woorde, die Evangelie verplaas en vernietig die boosheid wat ons van binne-af aanval.

Maar hoe werk dit in die praktyk? Wat is die kern van die saak wat van toepassing op ons lewe is? Wanneer ons Jesus in ons lewens toelaat, nie as 'n lekker en gerieflike toevoeging nie, maar as die Een vir wie ons leef, as die Here van ons lewens ... is dít wat Hy doen. Hy vernietig die duiwel se werk van binne.

Dit is immers waarvoor Hy gekom het.

En dis God se Woord. Vars ... vir jou ... vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us a text

Galasiërs 6:9 Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel.

Kom ons wees eerlik, sommige dae voel jy net nie lus om vrolik en opgewek te wees nie; die redes daarvoor kan wissel, maar party dae voel jy net nie lus vir mense en ander aktiwiteite nie. Sommige dae voel dit sommer die beste opsie om in die bed te bly. Sommige dae …

Toe ek vandag se boodskap voorberei het, het ek beslis nie lus gevoel om op te spring en te jubel nie. Ek was net besig om oor 'n borsaandoening te kom en ek het aaklig gevoel. Maar wanneer jy verantwoordelik daarvoor is om vir 365 dae per jaar VARS- boodskappe aan ons luisteraars en intekenaars, beskikbaar te stel, moet jy dit biddend skryf en opneem omdat jy jou getroue gehoor daarmee wil seën terwyl jy ook die sperdatums nakom.

In tye soos hierdie onthou ek wat een van my wyse, ou dosente by die Bybelskool al daardie dekades gelede vir my gesê het: Party dae, het hy gesê, moet jy God eer en net deurdruk en voortgaan. En as dit ál is wat jy in jou het, is dit ook goed.

Galasiërs 6:9 Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel.

Dit het baie te doen met deursettingsvermoë. Trouens, dit is een van die belangrike temas in die Bybel. En as jy kyk na die mense wat 'n werklike verskil in hierdie wêreld gemaak het en steeds maak; besef jy dat talent belangrik is, maar dat dit nie die hoofsaak is nie. Dit gaan meer daaroor dat jy op hierdie mense kan staatmaak; hulle is mense wat ten spyte van die feit dat hulle miskien siek, of moeg is, getrou opdaag wanneer hulle regtig nie die krag of die lus het om daar te wees nie.

So, moenie moeg word om in jou eie klein hoekie; in jou kring van familie en vriende, werkskollegas en bure, goed te doen nie, want jy sal die oes van die ewige lewe op die regte tyd ontvang. Moenie moed opgee nie, daag op.

Dis God se Woord. Vars ... vir jou ... vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY