Bi de einte juckts und bi de andre brennts – d'Red isch vo Blaseentzündige und Vaginalpilz. 🤮 Und wenn ihr eu etz fröged. . . JA, mir ghöred beidi zu denne Fraue wo statistisch gseh oft drunter liedet. . . ☹️ Du nöd? Lucky you! Los doch trotzdem dri, demit du in Zuekunft anderi Fraue und Mensche mit Vulva besser verstahsch oder d'Tipps chasch wiitergeh! Wer drilosst weiss nachher au, was es mitem Folgetitel uf sich het und warum mer sini Blase au mal «Bitch» sött nenne.

Usserdem füehremer en neui Kategorie ih, wo d'Flavia uf Anglizisme trifft. 🔥 D'Flavia erklärt grad no, warum sie ältere Lüüt öpis bewiese will und d'Jenny git zum Schluss nurno Orgasmus-ähnlichi Tön vo sich. . . – drilosse lohnt sich!

Was passiert wenn en Podcasterin und en Podcaster ade Fasnacht ufenand treffed? 👀 Richtig! Sie planed eh gmeinsami Folg. 🙂‍↕️ Welli zwei Persone die Collab-Folg is Rolle bracht hend, erfahrsch ide erschte paar Minute. Denach folgt eh hitzigi Debatte über die schlimmste Red 🚩und die tollste Green Flags. 💚 Mit em Simi und em Coco vom Podcast «Bünzlitalk» hemmer Moralapostel gspillt, eusi Lachmuskle trainiert und de eint oder ander Witz us de unterste Schublade uspackt. Vill Spass bim lose wünsched: Jenny & Flavia :)

Links:

@fiaskofamoso

@buenzlitalk

⁠⁠@jennykitzka⁠⁠

⁠⁠@kaelinflavia⁠

Ih dere Folg redemer über alles, was mer bereued gmacht z haa oder bereued nöd gmacht z haa . . . 👀 und mer redet au drüber was mir vo Pornos halted. Drum liebi Eltere & Vorgsetzti, falls ihr wiiter als Minute 42:00 glosst hend, no you didn't! 🙂 Mer wünsched eu vill spass bim drilosse und DANKE für's drilosse! <3 Jenny & Flavia

Ih dere Folg nehmemer folgendi Frage usenand:

Was würemer mache, wenn alles 100%-ig garantiert wär dases klappt? Wo gsehmer üs ih 5 - 10 Jahr und was macht üs Angst wemmer id Zuekunft lueged? 🤔

Bi wem s'Thema Mami werde scho Druck uslöst und wer nöd ahsatzwiis dra denkt: losed dri, findets use und villicht chönder ja bide einte Sache relate. 🤓

Links:

⁠@jennykitzka⁠

⁠@kaelinflavia⁠

Herzlich willkomme bi «Fiasko Famoso»! ✨ 🪩

Ih dere erschte "richtige" Podcastfolg unterem neue Name «Fiasko Famoso» redemer über Fründschafte in Retroperspektive. Mer kläred uf was d'Flavia inre Fründschaft vo früehner besser hetti chöne mache, ih wellere Zwickmühle d'Jenny steckt und verzellet Gossip vomne Klassetreffe. Aber au die chline Freude im Lebe wie Schnudderlümpe und Glückskeks chömed vor.

Mir wünsched gueti Unterhaltig bim drilosse & lönd eus gern wüsse, wie eu die Folg gfalle het 🫶🏼 teile, kommentiere, bewerte is much appreciated! <3

LG Flavia & Jenny

Nacheme Bootstrip ide Domrep verzellt Jenny, wie sie zum Gschäft erledige im Meer staht. Glichziitig wird d'Flavia im Fitness vo zwei Laufbandjungs ahgluegt - was denn passiert kam unerwarted. 🫣

Losed is letschte Mini-Update ine, bevor ihr denn am Mäntig die ersti grossi Folg zum Wuchestart chönd lose.💥

Links:

⁠⁠⁠@jennykitzka⁠⁠⁠

⁠⁠⁠@kaelinflavia⁠

Hoi zämme! Schön losseder is 4. Mini-Update vo Fiasko Famoso.

Ih dere Folg redemer über eusi Shit 💩 & Shines ✨ vo de Wuche, d'Flavia trifft uf en Irish Guy und d'Jenny träumt vo Lügegschichte.

Usserdem verratemer am Schluss in wie vill Täg die erschti grossi Folg Fiasko Famoso use chunt. ⏳

Danke für's dri losse und vill Vergnüege!

Links:

⁠⁠@jennykitzka⁠⁠

⁠⁠@kaelinflavia⁠

Im 3. Mini-Update vor em grosse Relaunch redemer über eusi Shit 💩 und Shines ✨ vo de Wuche und gebed eu ab Minute 12:57 ihblick is Shooting für's neue Podcast Cover hehe!

Achtung: Los die Folg nöd, wenn du kei Verständnis defür hesch, dass gwüssi Lüüt de Bad Bunny nöd kenned *räusper* z.B. FLAVIA *räusper*. 👀

In nöchster Ziit startemer en Countdown – demit mer entlich alli wüssed, wenns wieder so richtig in voller Längi & bester Tonqualität wiiter gaht.

Bis dahin, danke für's dri losse & macheds guet. 💗

Links:

⁠@jennykitzka⁠

⁠@kaelinflavia⁠