Send us a text

في الحلقة دي بنتكلم عن مفهوم “العادي”…
العادي اللي إحنا متربين عليه، ومقتنعين إنه الطبيعي، بس في الحقيقة هو مش واحد عند كل الناس.

ليه بنستغرب اختيارات غيرنا؟
وليه بنحكم بسرعة على تصرفات مش شبهنا؟

هنتكلم عن:
إزاي العادي بيتكوّن من التربية والتجارب
ليه مش كل الناس اتربت زينا
الفرق بين الصح والغلط وبين اللي “مش شبهنا”
إزاي نعيش بقبول أكتر من غير ما نلغي نفسنا
وإن وجود حاجات مشتركة ما يمنعش اختلاف العادي
الحلقة دي دعوة للتفكير، والهدوء، وتخفيف الأحكام…
يمكن اللي مش عادي بالنسبة لك، هو الحياة الطبيعية لحد تاني.

Send us a text

في الحلقة دي بنتكلم عن الفترة اللي بنبقى فيها
مش طايقين نفسنا… ولا حد 😅
أيوه، بنتكلم عن فترة الـ PMS.

ليه فجأة بنبقى سلبيين؟
ليه بنقسى على نفسنا؟
وليه كل حاجة تبان تقيلة ومقفلة من غير سبب واضح؟

هنتكلم عن:

• إزاي الـ PMS بيأثر علينا نفسيًا ومزاجيًا
• ليه صوتنا الداخلي في الفترة دي بيبقى قاسي قوي
• الفرق بين الحقيقة وإحساس مؤقت
• نعمل إيه مع نفسنا بدل ما نجلدها
• إزاي نعدّي الأيام دي بهدوء ورحمة أكتر

الحلقة دي لكل ست بتحس إنها “مش على بعضِها” قبل الدورة،
ولكل واحدة محتاجة تسمع إن إحساسك مفهوم… ومش دايم 🤍

Send us a text

في الحلقة دي بنتكلم عن الأمومة من زاوية مختلفة… عن إن الأم مش بس موجودة، لكنها صاحبة القرار. هي اللي في إيديها الدركسيون، وهي اللي سايقة العربية في رحلة التربية.
هنتكلم عن ليه إن الأم تتنازل عن قناعاتها وتسيب القرار في إيد ولادها، أو توافق على كل طلباتهم وهي مش راضية، ممكن يبان حب واحتواء، لكنه على المدى البعيد بيضرهم أكتر ما بينفعهم.
حلقة صريحة عن أهمية الحدود، وعن دور الأم الحقيقي في التربية، وعن إن الحب مش دايمًا معناه موافقة… أحيانًا معناه قيادة.

Send us a text

في الحلقة دي من البودكاست بتكلم عن التشابه المرعب بين خوارزمية السوشيال ميديا وطريقة شغل مخ الإنسان.
زي ما الخوارزمية بتوريك أكتر حاجة بتتفاعل معاها، مخك كمان بيكبر ويغذي الأفكار اللي بتركز عليها كل يوم.
في الفيديو ده هتعرف:
• إزاي اللي بتشوفه وبتفكر فيه يوميًا بيشكل حياتك
• ليه السوشيال ميديا بتأثر على وعينا أكتر مما نتخيل
• إزاي تتحكم في “خوارزمية مخك” بإيدك
• خطوات بسيطة تغير بيها الدايرة اللي عايش فيها

لو حاسس إنك محتاج تغيير حقيقي، البداية من الوعي.

Send us a text

تنويه: الكلام اللي في الفيديو ده بيعبر عن فهمي وتجربتي الشخصية، وأنا كاملة المسؤولية عنه.
مش هدفه تعليم ولا فرض رأي، ومش محتاجة نصيحة إني أتكلم أو ما أتكلمش في المواضيع دي.
الإيمان رحلة شخصية، والتدبر الحقيقي دور كل واحد فينا مع نفسه.
اللي يلامس قلبه أهلاً بيه، واللي مش مناسب له عادي يعدّي من غير جدل 🤍

كبرنا وإحنا سامعين جُمل زي:
«ربنا شايفك»
«ربنا هيزعل منك»
«خلي بالك ربنا هيعاقبك»
واتزرع جوانا شكل علاقة مع ربنا قايمة على الخوف، والذنب، والإحساس إن ربنا واقف مستنينا نغلط.
كأن ربنا شخص زعلان مننا طول الوقت… مش رحيم، مش قريب، مش فاهم ضعفنا.

في الحلقة دي بنتكلم بصراحة عن:
إزاي تربية الأهل أحيانًا بتكوّن تفكير توكسك في علاقتنا مع ربنا
الفرق بين الدين الحقيقي… وصورة ربنا اللي اتزرعت جوانا وإحنا صغيرين
ليه حاجات كتير بنحس إنها “حرام” أو “غلط” وهي أصلًا تفاهات مش جوهر الدين
إزاي الشعور الدائم بالذنب مأثر على نفسيتنا وإحنا مش واخدين بالنا
وإزاي نبدأ نحرر نفسنا من الخوف… ونبني علاقة أهدى وأصدق وأقرب مع ربنا


الدين في الأساس:
إنك ما تؤذيش حد.
إنك تكون إنسان.
وإنك ترجع لربنا بقلبك… مش برعبك.

الحلقة دي مش ضد الدين.
دي محاولة نفهمه صح.
ونرجّع الطمأنينة لمكانها.

Send us a text

تنويه: البودكاست ده مش لأي حد شايف ان ناس معينة بس هي الي المفروض تتكلم في الدين وشكراً

Send us a text

في الحلقة الثانية من بودكاست أنا بنتكلم عن The Let Them Theory — الفكرة اللي بتغيّر نظرتنا للحياة وللناس حواليك.
بدل ما نحاول نتحكَّم في كل حاجة…
نتعلَّم نسيّب الأمور تمشي بطريقتها
ونركّز على إحساسنا الداخلي وراحتنا النفسية.

📌 الحلقة دي هتعلمك:

• ليه ترك السيطرة جزء مهم من السلام النفسي
• إزاي تبقي مبسوطة من غير ضغط على نفسك
• طريقة بسيطة جدًا لتخفيف التوتر
• تركيزك على نفسِك بدل ما تعيّشي في دوامة التفكير في الآخرين

🧠 إحنا هنا مش بنلغي أهمية أنا…
بس بنعطيها حرية وسلام داخلي 🫶

📣 لو الحلقة عجبتك…
❤️ اعملي Like
💬 اكتبِ رأيك في الكومنتس
🔔 اشتركي عشَان ما تفوتكش الحلقات الجاية

Send us a text

رسمياً أول حلقة من بودكاست أنا. أنا اهم حاجة في قصتي Main Character Energy زي مابيقولو. وماليش ولا سلطة ولا تحكم في اي حاجة غيري أنا. لو عايزة أشوف تغيير حقيقي في حياتي لازم يبدأ من جوايا أنا. بس في نفس الوقت، انا مدركة اني ولا حاجة في الكون ده. نقطة في بحر. جزء من كل. مش حور الكون.