Body Language

Allan Pease ne 1971 mein jab pehli bar body language ke baare mein jab ek seminar attend kiya, tab veh usko lekar bahut zyada romanchit ho gaye aur uske baare mein zyada jaanna chaha. Wahan bhashan dene waalon ne unko Louiseville vishwavidyalay ke professor Ray Birdwhistell ke dwara kiye gaye shodh ke baare mein bataya. Us shodh ka fal yah tha ki manaveeya sampreshan sanketon, mudraon, sthitiyon aur dooriyon se jitna zyada hota hai, utna kisi doosre tareeke se nahi hota hai. Us samay Allan ek commission salesman ke roop mein kayi saalon se kaam kar rahe the aur bikri ki takneek ke baare mein kayi lambe aur gahan padhyakramon mein shaamil ho chuke the. Parantu inme se kisi bhi padhyakram mein unhe aamne-samne ki mulakat, ya baatcheet mein ashabdik pahaluon ya prabhavo ke baare mein nahi bataya gaya tha. Jab unhone khud iske baare mein jankari dhoondne ki koshish ki, tab pata chala ki body language ke vishay par bahut kam upayogi jankari upalabdh thi. Pustakalayon aur vishwavidyalayon mein is vishay par hue adhyayano ke record upalabdh hain, lekin unhe samajhna bilkul bhi aasan nahi hai. Isliye unhone is pustak mein aise pramukh vaigyanikon ke shodh ka saar diya hai, aur iske saath hi anya vyavasaayon jaise samajvigyan, nrivigyan, praanishastra, shiksha, manovigyan, parivarik paramarsh, vyavasayik vinimay evam vikray mein hue shodh ki jankari bhi shaamil ki gayi hai.