Apne Bheetar Chhupe Leader ko Kaise Jagayein

Is pustak mein jo bhi likha hai, vah aisi yogyataon ka sangrah hai jinhe lekhak ne bees saal tak netritva padaviyon mein rehte hue seekha hai. Barah saal tak unhone in leadership siddhanton ko sikhaya hai, aur bahut santushti ke saath dekha hai ki purush aur mahilayein doosron ka netritva karne mein adhik safalta haasil kar rahe hai. Har cheez leadership ke saath upar uthti hai aur neeche girti hai. Zyadatar logon mein swayam apavad banne ke bajay apavadon ki talaash karne ki ichchha hoti hai. Aapki leadership yogyatayein aapki aur aapke saath kaam karne-walon ki safalta ka star nirdharit karti hai. Leadership ke gunon ko seekha bhi ja sakta hai. In seekhe hue gunon ke saath agar ichchha ko jod de to duniya ki koi cheez aapko leader ban-ne se nahi rok sakti. Leadership ke gun viksit kiye jaate hai, khoje nahi jaate. Leader ban-ne ke liye ichcha karne-wale hazaron logon ke saath kaam karne ke baad lekhak ne yah dekha ki ve sabhi log leadership ki chaar shreniyon mein se kisi ek mein aate hai. Vah hai agrani leader, gyani leader, sambhaavit leader aur seemit leader naamak shreniyan. Har yug mein ek aisa samay aata hai jab samay ki mang poora karne ke liye kisi leader ko aage aana padta hai. Isliye aisa koi bhi saksham leader nahi hota jise apne yug mein netritva ka avsar na mile.