Munh Ki Durganth Se Bachav

Sehat Ki Baatein aur Poshtik Aahar

Muh ka durgandh ek aam samasyaon mein se hai par yeh aapke sharir mein pal rahe koi gambhir bimaari ke kaaran bhi ho sakta hai. Yeh naa keval sharirik balki saamajik drishtikone se bhi aapke jeevan ko prabhaavit karti hai. Iske kaaran aapko baatein karne mein hichkichahat ho sakti hai aur isse aapke vyaktitva par nakaratmak prabhaav padta hai. Yadi yeh saamanya kaaron se hota hai toh oral hygiene ke dwara isse bach sakte hai lekin anya gambhir kaarano se hai toh iske upachaar aavasyak hai. Yeh niyamit roop se daanton ki safai naa karne par, masoodo ki bimaari hone par, adhik maatra mein vitamins ki supplements lene par, adhik maatra mein sharaab peene par aur anya kaarano se ho sakti hai. Yeh kayi baar kisi gambhir bimaari ka sanket bhi ho sakta hai jaise diabetes, naak ya fefre ka sankraman, kidney ya liver ki samasya, sinus ki samasya ya cavities. Saans ki samasya se bachne ko chikitsa jagat mein Halitosis kaha jata hai. Isse bachne ke liye aap niyamit roop se daant aur jeebh ko saaf rakhein aur nirantar paani peete rahe jisse aapka muh shushk naa pad jaye. Har 3 mahine mein apna toothbrush avashya badlein aur apne daant ke anusaar sahi tooth paste ka nirmaan karein. Aksar khadya ke kan daanto ke beech fas jaate hai jiss kaaran flossing bhi aavashyak hai. Gharelu upachaaron ke sahare bhi iss samasya se mukti paa sakte hai aur yadi inke bawajood bhi samasya dikhayi de toh turant doctor ko sampark karein.©2017 Prabhat Prakashan (P)2020 Audible Studios