Vadhiv Onsight Mars Tight [Marathi Edition]

"जमदग्नी, आयुष्यातल्या प्रत्येक बाबतीत रीसीविंग एंडला राहून वैतागला होता. शिवाय त्याच्या लहानपणी 'वडील घरदार सोडून दुसर्‍या बाईबरोबर मंगळावर गेले' ही गोष्ट त्याला नेहमीच अस्वस्थ करायची. पण शेवटी एक दिवस बॉसला थुका लावून मंगळावर जाण्याची 'ऑनसाईट' ऑपॉर्चुनिटी त्याने मिळवलीच.

'प्लास्टर भाय' ला भेटणं हा जमदग्नीच्या आयुष्यातला टर्निंग पॉइंट होता. मंगळवारही खूप अॅक्टिव्ह असलेल्या गॅंग्ज आणि त्यांची गॅंगवॉर जमदग्नीच्या कल्पनेबाहेरची होती. पण 'भाय'शी झालेल्या ओळखीमुळे त्याचं कुटुंब पहिल्यांदाच चौकोनी झालं.

'भीमनाथ घरी आल्यामुळे आयुष्य सेटल झालं' असं वाटत असतानाच जमदग्नीची नोकरी गेली. जॉबसाठी जमदग्नी प्रयत्न करत असतानाच भीमनाथवर जीवघेणा हल्ला झाला आणि 'फावडा अण्णा'चं नाव आणि त्याच्यापासून असलेला धोक्याचं मळभ जमदग्नीच्या आयुष्यावर दाटून आलं.

छोटा प्लास्टरबरोबर जमदग्नी 'फावडा अण्णा'च्या पंटर लोकांना ठोकण्यासाठी निघाला. पण त्यांचीच गेम झाल्यावर सगळी जबाबदारी जमदग्नीवर येऊन पडली. तेव्हा सर्वात आधी जमदग्नीने भीमनाथला हॉस्पिटलमधून सुरक्षितपणे बाहेर काढून घरी न्यायचं ठरवलं. पण 'फावडा अण्णा'ची माणसंही लेचीपेची नव्हती.

आपल्या कुटुंबाला सुरक्षित ठिकाणी ठेवल्यावर जमदग्नीचं 'फावडा अण्णाला संपवणं' हे एकच उद्दिष्ट होतं. पण 'फावडा अण्णा' मंगळवार होता. मंगळवार जाण्यासाठीचे टुरिस्ट व्हिसा कधीच बंद झाले होते. तेव्हा पुन्हा जमदग्नीने आपल्या जुन्या बॉसला म्हणजे सत्यप्रकाशला घोळात घ्यायचं ठरवलं.