Vertrou God met Jou Planne

Send us a text

Spreuke 16:2-3 Alles wat hy doen, kan vir die mens reg lyk. Die Here weet egter waarom hy dit alles doen. Alles wat jy doen, moet jy opdra aan die Here, dan sal jou planne slaag. (NLV)

Dit kan terselfdertyd opwindend en ontsenuend wees om iets nuuts te beplan. Dink aan 'n jong paartjie wat hul eerste kind verwag. Hulle sal opgewonde wees oor die vooruitsig om 'n nuwe lewe in hierdie wêreld te verwelkom, maar hulle sal wonder of hulle oor die gawes en kennis om goeie ouers te wees beskik. Afwagting en onsekerheid...

Hierdie gevoelens is nie net relevant wanneer jy iets groots beplan nie. Dis hoe die lewe is; die lewe bring sy kinkels en draaie. Jy kom by 'n vurk in die pad, ‘n grote of ‘n kleintjie, en jy kies instinktief watter kant toe jy moet gaan. Soms maak jy die regte keuse; en kom ons wees eerlik, soms nie.

Soos ons gesien het, kan die verkeerde keuse verwoestende gevolge hê. Jy jaag meedoënloos vorentoe in afwagting op iets goeds om te gebeur, en dan misluk jy jammerlik. Ons het dit almal al beleef. En ek weet nie van jou nie, maar dis ‘n ervaring wat ek nie sommer wil herhaal nie.

Spreuke 16:2-3 Alles wat hy doen, kan vir die mens reg lyk. Die Here weet egter waarom hy dit alles doen. Alles wat jy doen, moet jy opdra aan die Here, dan sal jou planne slaag.

Dis so maklik om onsself te oortuig dat wat ons doen, reg is. Maar alte dikwels word ons visie deur ons emosies, selfsug en allerhande verkeerde motiewe, vertroebel.

Maar my vriend, God sien dit alles. Hy beoordeel ons motiewe. Hy verstaan. En daarom kan jy Hom vertrou in alles wat jy doen, en dan sal jou planne slaag.

Dis God se Woord. Vars ... vir jou ... vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY