Ko e talanoa 'o e Sapate ni ko e talanoa 'o e toe ha 'a e 'angelo kia Siosifa 'i ha misi 'o tala kia Siiosifa ke tu'u hake 'o holataki'i 'a Mele mo Sisu ki 'Isipite kae 'oua kuo toe fekau kiate ia ke foki mei 'Isipite. Na'e 'ikai toe fehu'ia 'e Siosifa ka na'a ne talangofua kakato ki he fekau 'a e 'angelo 'o ne hola mo hono famili ki 'Isipite 'o fakatatau mo e fekau mei he 'angelo. Na'e talangofua kakato 'a Siosifa 'o makatu'unga ai 'a e hao hono famili mei he tu'utamaki na'e hanga mai mei mu'a.

Ko e lesoni 'o e Sapate ni ko e fehu'i 'e Sione Papitaiso fou he'ene ongo akonga kia Sisu pe ko e tokotaha ia na'e palofisai mai talu mei mu'a. Pea tali 'e Sisu ki he ongo akonga ke tala kia Sione Papitaiso ko e ngaahi ngaue fai fakamo'ui 'a Sisu ko e fakamahino ia ki mamani ko Sisu 'a e tokotaha ko ia na'e kikite'i mai talu mei mu'a.

Ko e talanoa mahu'inga 'o e 'aho ni he ko e talanoa 'o e ha 'a e 'angelo kia Siosifa 'i ha misi 'o tala kia Siosifa kuo tu'itu'i'ia 'e Mele ha tama ki he Laumalie pea ko e tama ko ia ko e fakamo'ui 'o mamani. Ko e talanoa 'o e 'aho ni 'oku ne teuteu kitautolu ki he 'aho 'alo'i. Ko Siosifa neongo 'ene kamata veiveiua ka na'a ne tali 'a e ongoongo mei he 'angelo 'i he loto fakatokilalo mo e talangofua.

Ko e Sapate ni ko e lesoni 'o Sione Papitaiso mo 'ene malanga mo e papitaiso 'o e kakai ke nau fakatomala he ko e Misaia 'oku 'amanaki ke hoko mai ki he fa'ahinga 'o e tangata. Ko e Sapate ni 'oku ne toe fakamanatu mai kiate kitautolu 'a e mahu'inga ke mateuteu ma'u pe 'etau mo'ui ke talitali 'a e 'Eiki Misaia. Ko e fatongia 'o Sione Papitaiso ko e fatongia mahu'inga he 'oku ne tomu'a uki 'a e kakai ke nau 'ilo'i 'oku 'iai 'a e tokotaha 'oku lahi hake ia 'iate ia 'oku 'amanaki ke ne hoko mai pea ko e tokotaha ko ia te ne tofa 'a e hala ki he Pule'anga 'o e 'Otua.

Ko e lesoni ki he Sapate ko 'eni ko e talanoa ki he fakamatala 'e Sisu ki he'ene kau ako 'i he Mo'unga ko 'Olive fekau'aki mo e ngata'anga 'o taimi mo e ngaahi me'a 'e hoko 'i he 'aho ko ia. "Oku ne fakalotolahi'i 'a e kau muimui 'o Kalaisi ke nau mateuteu ki he 'aho ko ia 'i he 'amanaki lelei neongo 'oku 'ikai 'ilo ha taha ki he 'aho mo e houa ko ia ngata pe 'i he Tamai. 'Oku fakaafe'i 'a e Tonga kotoa ke tau fakakaukauloto ki he fakamatala 'a Sisu mo fehu'i kiate kitautolu pe 'oku tau mateuteu.

Ko e lesoni ki he Sapate ko 'eni ko e talanoa 'o hono kalusefai 'o Sisu 'i he feitu'u na'e ui ko Kolokota. Na'e 'iai 'a e ongo angahala na'e kalusefai fakataha mo Sisu ko e taha 'i he to'ohema pea taha 'i he to'omata'u. Ko e faka'osi'osi 'eni 'o e lesoni ki he ta'u fakakalisitiane 'o e ta'u ni pea 'oku faka'osi'osi 'a e lesoni 'i he talanoa mahu'inga ko 'eni. 'Oku hoko 'a e kalusefai mo e feitu'u 'o e mate ko e fakaha'anga 'o e 'ofa mo e kelesi 'a hotau 'Eiki. 'Oku fakaafe'i atu 'a e Tonga kotoa ke tau kaungakau 'i he fevahevahe'aki 'i he lesoni mahu'inga ko 'eni.

Ko e lesoni 'o e 'aho ni ko e kikite'i 'e Sisu 'a e holoki 'o e Temipale mo e ngaahi fakatanga 'e mo'ua ai 'a e kau muimui 'o Kalaisi kau ai 'a 'ene kau Tisaipale. Ko e holoki 'o e Temipale mo e fakatanga'i 'o e kau muimui 'o Kalaisi na'e hoko. Ko e ha nai ha lesoni 'e lava ke tau ako mei he talanoa ko 'eni? 'Oku fakaafe'i atu koe ke tau kaungakau fakataha 'i he fevahevahe'aki 'i he talanoa ko 'eni pehe ki hono ngaahi akonaki.

Ko e lesoni 'o e 'aho ni ko e fehu'i 'a e kau Satusi kia Sisu fekau'aki mo e nofo mali mo e toetu'u. Ko e feinga 'a e kau Satusi ke nau fakakata'aki 'a e fakakaukau 'o e toetu'u mei he mate he na'e 'ikai te nau tui kinautolu ki he fakakaukau 'o e toetu'u. Ko e ha nai 'a e tali 'a Sisu? Ko e ha nai ha akonaki 'e lava ke tau ma'u mei he talanoa ko 'eni? 'Oku fakaafe'i koe ke tau kaungakau he fe'inasi'aki 'i he kelesi 'e lava ke tau ma'u mei he talanoa ni.