في الحلقة دي، بشرح تاني عمود في استراتيجية الاعمدة الاربعة: المحتوى.

بتكلم عن ليه المحتوى بقى مبتذل، وإزاي نرجعه لأصله: يخاطب العميل في المرحلة اللي هو فيها.

بشرح أنواع الفورمات المناسبة لكل مرحلة، بتكلم عن اليوجي سي، قصص الفاوندرز، الإعلانات المقارنة، الفيديوهات التعليمية، وإزاي تعيد استهداف الناس اللي خلاص على وشك الشراء.

لو عندك براند أو شغال إعلانات، الحلقة دي فيها خريطة واضحة لإنتاج محتوى يبيع بجد، مش بس يعجب الناس.

-------------------------------------------------

In this episode, I break down the second pillar in the 4-Pillar Strategy: Content.

I explain why content today is misunderstood and often misused, and how to bring it back to its real purpose—connecting with people based on where they are in the buying journey.

I walk through the different content formats for every stage, the truth about UGC, the power of founder stories, comparison ads, product explainer videos, and how retargeting should really work.

Whether you’re just starting your brand or running ads already, this episode will give you a full map of how to build content that actually converts.

في الحلقة دي بكمل شرح استراتيجية الاعمدة الاربعة، وبنتكلم عن الحاجات اللي بتخلي الناس تشتري أونلاين فعلاً.

من الشحن المجاني والدفع عند الاستلام، لسياسات الاستبدال، والتقسيط، و Social Proof ، والمنتجات الناجحة Hero Products اللي لازم تشتغل عليها.

كمان بتكلم عن إزاي ترتب الكتالوج والعروض بتاعتك من غير ما تأثر على هامش الربح.

لو عندك براند أونلاين أو ناوي تبدأ، الحلقة دي هتديك clarity قبل ما تصرف جنيه واحد على الإعلانات.

في الحلقة دي، بشرح أول عمود من استراتيجية الاعمدة الاربعة اللي بنستخدمها علشان نساعد البراندات تضاعف مبيعاتها من غير ما تزود ميزانية الإعلانات.

بشرح إزاي تحط تسعير منطقي للمنتجات بتاعتك، إزاي تحسب صافي الربح، وتعمل كاليندر عروض على مدار السنة بطريقة تضمنلك نمو فعلي مش موسمي.

كمان بتكلم عن أهمية الرتينشن، وليه أهم من إنك تجيب عملاء جدد.

لو عندك براند بتبيع أونلاين، سواء بموقع أو من خلال الرسايل، الحلقة دي هتكون خريطة واضحة تساعدك تخلي مبيعاتك أكبر، من غير ما تحرق فلوس أكتر.

الحلقة دي بدايتها جملة قريبة جدًا لقلبي: “اللهم ارزقنا الإخلاص”. مش بس بدعي بيها، لكن بحاول أعيش بيها في شغلي وفي حياتي.

بحكي فيها عن التسويق، وعن الفرق بين اللي بيتعلم عشان يبني، واللي بيقلد عشان يكسب. عن ليه المجال بقى تريند، وليه لازم نرجع نفهم التسويق كفكر مش كأداة.

لو أنت بتفكر تبدأ في المجال، أو لسه بتتعلم، أو حتى شغال فيه من سنين… أتمنى الحلقة دي تديك منظور مختلف، وترجعك للنية.

“اللهم ارزقنا الإخلاص” مش جملة، دي فلتر لأي قرار في شغلي.

-------------------------------------------------

In this episode, I start with a phrase that’s deeply personal to me—“اللهم ارزقنا الإخلاص”. It’s more than just a reminder; it’s a mindset I try to carry through my work in marketing and life.

I talk about why I believe marketing should start with intention, not imitation. Why too many people chase tools and titles instead of understanding the fundamentals. I reflect on the danger of turning marketing into a trend, and share practical advice for anyone thinking of starting in this field—from learning strategy and observing what works, to embracing the long game of experience.

This isn’t a motivational talk—it’s a grounded look at what it means to grow with purpose in an industry that often loses its way.

في أول حلقة من البودكاست، بحكي عن رحلتي من مندوب دعاية لحد ما بقيت ماركتنج استراتيجيست بساعد براندات توصل لمراحل نمو كبيرة ومربحة.

بتكلم عن إزاي بدأت في التسويق، وليه شايف إن الإخلاص أهم من أي تريند، وإزاي الحرية، المسؤولية، وحتى الخسارة، شكلوا شخصيتي وشغلي.

الحلقة دي مش كورس، ومش تعليم مباشر… هي حكاية حقيقية. لو أنت لسه بتبدأ في التسويق أو عندك بيزنس بتحاول تكبره، أتمنى الحلقة دي تديك شوية وضوح، وتفكرك دايمًا إنت ليه بتعمل اللي بتعمله؟