Episodios

  • AROUSA NOTICIAS 14 01 26

    AROUSA NOTICIAS 14 01 26
    Jan 14 2026
    A Semana Santa de Paradela pende dun fío despóis de que a confraría organizadora dimitira en bloque hai uns días ante o malestar xerado trala decisión de sustituir á persoa que interpretaba a Xesús. A alcaldesa de Meis convoca á veciñanza de Paradela a unha reunión este sábado para tentar reconducir a situación e que outro grupo de persoas se poña ao fronte. A flota arousá valora iniciar un paro xeral para tentar frear a normativa europea de controal da actividade pesqueira, en vigor dende o pasado sábado. O persoal facultativo do Sergas está chamado dende hoxe a dúas xornadas consecutivas de folga convocada polo Sindicato Médico de Galicia, SIMEGA, en demanda dun estatuto propio para o colectivo. GaliciAme celebra o 7 de febreiro en Cambdos un gran Desfile de Moda e un Market Solidario co fin de recadar fondos para a investigación de tratamentos contra a enfermidade. O Ministerio do Interior concede un distintivo honorífico aos seis membros do servizo municipal de Emerxencias de Vilagarcía desprazados a Valencia en 2024 para colaborar no operativo especial da DANA. A Policía Local de Vilagarcía alerta á cidadanía dunha presunta estafa na que se estaría utilizando seu nome. Sentencia polo macroxuizo do buque Karar: o vilanovés Juan Carlos Santórum condenado a 13 anos de cárcere por tráfico de drogas.
    Más Menos
    20 m
  • AROUSA NOTICIAS 19 11 25

    AROUSA NOTICIAS 19 11 25
    Nov 19 2025
    A Subdelegación do Goberno activa dende hoxe o Plan de Vialidade Invernal que garante a circulación con seguridade pola rede de estradas estatais. A lonxa de Tragove está a bater récords históricos de descarga de volandeira nesta campaña de Nadal recén iniciada con máis de 7.000 quilos diarios durante a primeira semana. Novo vestiario para o campo de fútbol da Pelada e a renovación do chan e parte do material para o ximnasio municipal do pavillón Sara Gómez, en Vilagarcía. A cidadanía de Vilagarcía e a clientela do comercio local terán unha hora gratis nos aparcamentos cubertos de titularidade municipal, segundo a nova orde fiscal que se aprobará no pleno deste mes. Sanxenxo volve a apostar polos Recunchos de Nadal e dona 48 abetos que se ubicarán en once espazos diferentes ás asociacións do municipio para que decoren eles mesmos. A Illa de Arousa aproba de forma definitiva a adquisición ao Plan Nacional sobre Drogas das dúas parcelas embargadas no seu día a Marcial Dorado para a construcción de vivenda pública. Cambados aborda a prevención do suicidio nunha xornada de charla coloquio este domingo 23 na Casa da Calzada. O Cemiterio de Santa Mariña, en Cambados, acolleu esta mañá a homenaxe a Josefina Blanco, destacada actriz do século XIX comezos do XX e prodixio dos escenarios teatrais. A Orquestra Sinfónica de Galicia actúa mañá no Auditorio Municipal de Vilagarcía interpretando dúas composicións de Mozart e Dvorák. Condenados dous porteiros dun pub de Sanxenxo a multas de 1.350 e 360 euros por un delito leve de lesións tras agredir a un xoven que tentou sacar unha copa do local.
    Más Menos
    21 m
  • AROUSA NOTICIAS 18 11 25

    AROUSA NOTICIAS 18 11 25
    Nov 18 2025
    A Policía Nacional investiga o intento de asalto a unha vivenda ubicada en Cornazo. Segundo nos relatou a propietaria da vivenda, os feitos aconteceron o pasado venres sobre ás 9 da noite cando dous homes tentaron entrar na casa sen saber que había xente dentro. Búscase a un xoven de 23 anos do que nada se sabe dende que foi visto por última vez este luns no seu posto de traballo en Carril. Uns 300 profesionais da atención primaria e os PACs do Salnés están chamados ás mobilizacións e á folga convocadas polos sindicatos CCOO, CIG, UXT e CSIF. Vilagarcía estrea unha novidosa campaña do 25N basada nun proceso de escoita entre a cidadanía sobre o BOTRATO. Chegan a Cambados dous espectáculos musicales interactivos que están de xira por España: "Un Mundo de Fantasía" e "Bienvenidos" estarán no Auditorio da Xuventude o 22 de novembro ás 17 e ás 20 horas.
    Más Menos
    20 m
  • AROUSA NOTICIAS 17 11 25

    AROUSA NOTICIAS 17 11 25
    Nov 17 2025
    A Policía Nacional mantén aberta unha investigación tralo suceso rexistrado esta fin de semana nun hotel de Vilagarcía onde unha moza de 19 anos resultou ferida con varios cortes nunha perna. A rúa Clara Campoamor, que a veciñanza xa estreou o pasado venres, recibiu esta mañá a visita institucional do Concello de Vilagarcía e a Deputación de Pontevedra, aprazada no seu momento debido ás intensas chuvias. Operarios municipais xa traballan na reparición da da tubaxe de pluviais que esta fin de semana provocou a aparición dunha gran focha na praia da Compostela. A intensa chuvia motivou o derrumbe parcialo nun muro na rúa Carbuxeira, en Sanxenxo, afortunadamente sen danos persoais. Os traballos de mellora da Rúa Cesteiros e Panadeira, en Sanxenxo, avanzan a bo ritmo coa colocación da baldosa hidraúlica en ambos viais. A subdelegación do goberno en Pontevedra conmemorou esta mañá cun minuto de silencio Día Internacional en Lembranza das Vítimas de Accidentes de Tráfico. Ribadumia celebrará a Gala da octava edición da Festa do Deporte o sábado 29 de novembro ás 18:00 horas no Auditorio Municipal de Ribadumia.
    Más Menos
    14 m
  • AROUSA NOTICIAS 14 11 25

    AROUSA NOTICIAS 14 11 25
    Nov 14 2025
    A pesar das adversas condicións meteorolóxicos destes días, a campaña de extracción da centola está obtendo bos resultados de capturas. A Conselleira do Mar, Marta Villaverde, visitou hoxe a lonxa meca para comprobar as descargas da xornada. A reparación do Albergue de Carril comezará a vindeira semana cun orzamento de 4.400 euros que será asumido polo Concello de Vilagarcía. A reparación do firme da rotonda do Cavadelo iniciarase o vindeiro luns, se o tempo o permite, a través do Plan de Asfaltados Municipal. Vilanova recibirá os primeiros recursos do III Plan de Infraestruturas Deportivas da Deputación de Pontevedra con 140.000 euros para a renovación do céspede artificial do campo da S.D Chispa. Sanxenxo contará en 2026 cun orzamento municipal de 69,8 millóns que se someterá a debate no pleno ordinario do próximo 24 de novembro. A cidadanía de Caldas mobilizarase o 29 de novembro en protesta polo proxecto da Variante Oeste O Plan Integrado de Emprego do Salnés comezou o itinerario da súa XIV edición cunha formación pioneira e innovadora na que participan 30 persoas: o curso “Machine Learning para Procesos de Selección Intelixentes” en departamentos de Recursos Humanos. O comercio e a hostelería de Vilagarcía xa se poden adherir á campaña de bonos ‘Son da Casa!’ do 2025, que comezará a funcionar a partir do día 1 de decembro.
    Más Menos
    19 m
  • AROUSA NOTICIAS 12 11 25

    AROUSA NOTICIAS 12 11 25
    Nov 12 2025
    As chuvias intensas que se veñen reproducindo dende a pasada noite están a afectar con especial incidencia a localidades como Vilagarcía ou Vilanova. O grupo municipal do BNG de Vilagarcía pedirá no vindeiro pleno que se adopten medidas preventivas cando se teña previsión de condicións climatolóxicas adversas. Sanxenxo abre hoxe o prazo de inscrición para ocupar as casetas do mercado navideño que se instalará na carpa del Pazo de Nadal do 5 de decembro ao 5 de xaneiro. A convocatoria de folga do persoal de limpeza do Hospital do Salnés está a ter un seguimento do 100%. A recoñecida actriz María Galiana chega ao Auditorio Municipal de Vilagarcía este sábado para presentar a obra ‘Eu só quero irme a Francia’. A Illa de Arousa conmemora este sábado os 40 años da existencia da ponte que une o municipio insular co continente. A Deputación de Pontevedra tinguirá de azul o Pazo provincial este xoves polo Día Mundial da Diabete.
    Más Menos
    16 m
  • AROUSA NOTICIAS 11 11 25

    AROUSA NOTICIAS 11 11 25
    Nov 11 2025
    O inicio da campaña de extracción de centola deixa xa as primeiras incautacións de marisco na ría de Arousa. Gardacostas de Galicia decomisou 340 kilos deste crustáceo a unha sola embarcación por superar os topes máximos establecidos. A primeira xornada da centola deixou na lonxa meca prezos máximos de 34 euros por kilo para os primeiros crustáceos descargados, case cinco toneladas en total e unha facturación de 72.000 euros. Case o 80% dos polígonos de bateas de mexillón permancecen clausurados á extracción tralos últimos peches decretados hoxe polo Intecmar debido á extensión da toxina lipofílica (diarreica). Varios xabaríns e ata seis vehículos víronse implicados nun accidente múltiple rexistrado no tramo de vía rápida entre Sanxenxo e O Grove, á altura da parroquia de Noalla, afortunadamente sen persoas feridas. Martín Codax recibe a aprobación ambiental da Xunta para o seu proxecto dunha planta de compostaxe na parroquia de San Salvador de Meis. Vilagarcía abrirá o Nadal o 29 de novembro. Ese día será o acto de acendido da iluminación que se celebrará ás 19:00 horas na Praza de Galicia. A empresa responsable do asfaltado en avenida Juan Carlos I arranxará nos próximos días o socavón situado á altura da rúa Castor Sánchez con aglomerado en frío. As obras do novo peche perimetral do Punto Limpo de Sanxenxo avanza coa construción dun muro de contención e a mellora da canalización de pluviais. A Policía Local de Sanxenxo adhírese á campaña da DXT de especial vixilancia e control do transporte escolar durante esta semana. Catoira retira as pólas e árbores que están en contacto ou próximas aos cables do alumeado público ao longo de sete quilómetros de estradas municipais.
    Más Menos
    22 m
  • AROUSA NOTICIAS 10 11 25

    AROUSA NOTICIAS 10 11 25
    Nov 10 2025
    Unha veciña de Vilagarcía detida pola Garda Civil tras ser interceptada na peaxe de Teo tras recorrer la autopista en sentido contrario e dar positivo na proba de alcoolemia. Investigados dous veciños de Vilagarcía e unha muller de Caldas como presuntos autores dun roubo con forza no que sustraeron 160 kilos de cable telefónico en Zas. A Ministra de Defensa, Margarita Robles, comproba en Urovesa o avance do novo vehículo de exploración e recoñecemento terrestre que se está producindo na factoría valguesa. O persoal do servizo de limpeza do Hospital do Salnés irán á folga 15 días en novembro e decembro en demanda de equiparación das súas condicións laborais coas das plantillas doutros hospitais de referencia. Xa hai data para que a renovada rúa Clara Campoamor de Vilagarcía poida ser utilizada pola veciñanza tras un investimento municipal de 660.000 euros. Será este venres tras colocar o mobiliario urbano e os puntos de luz que faltan. O Grove pon en marcha un plan de mellora de infraestructuras viarias municipais comezando pola renovación integral da rúa Caldelas e a recuperación do paso peonil que a enlaza coa avenida de Xoán XXIII. O CIM de Sanxenxo leva atendidas este ano a 216 víctimas de violencia machista, cifra moi superior ás 145 do pasado ano. O actor e monologuista Xosé Antonio Touriñán regresa a Vilagarcía, desta volta da man de David Perdomo, para presentar o seu novo espectáculo de humor, "Amoriños". Será o 13 de decembro ás 21:00 horas no Auditorio Municipal.
    Más Menos
    18 m
adbl_web_global_use_to_activate_DT_webcro_1694_expandible_banner_T1