Leef met ‘n Plan en die Regte Perspektief

Send us a text

Psalm 90:12-15 Leer ons ons dae so gebruik dat ons wysheid bekom. Hoe lank nog, Here, voordat U ons te hulp kom? Ontferm U tog oor ons. Skenk ons elke dag u liefde in oorvloed, dat ons ons lewe lank mag juig en bly wees. Soveel dae as dié waarin U ons verdruk het, soveel jare as dié waarin ons gely het, gee ons soveel jare van blydskap

Dis snaaks hoe ons vasgevang raak in die dinge van hierdie wêreld; die dinge wat vandag só baie vir ons saakmaak ... dinge wat oor vyf jaar van nou af, heeltemal irrelevant sal wees. En, weet jy, dis veral wáár wanneer ons swaarkry – dinge word vir ons belangrik. Dis wanneer ons na strooihalms gryp in die hoop dat dit die pyn sal genees en ons behoeftes sal bevredig.

Jy weet hoe dit gaan. Die jaar is op pad na 'n splinternuwe begin, en jy het dalk nog steeds 'n paar verwyte oor dinge uit die verlede, wat soos ‘n donker wolk oor jou hang. Jy het jou planne vir die toekoms, jy het jou doelwitte gestel, en hier gaan ons ... ja, hier gaan ons, op pad om al ons drome te verwesenlik en om reg te maak wat ons in die verlede verbrou het.

Ons het vars moed en spring in asof ons vir ewig gaan leef. Maar, my vriend, ons gaan nie! Die psalmis besef wat die belangrikste is:

Psalm 90:12-15 Leer ons ons dae so gebruik dat ons wysheid bekom. Hoe lank nog, Here, voordat U ons te hulp kom? Ontferm U tog oor ons. Skenk ons elke dag u liefde in oorvloed, dat ons ons lewe lank mag juig en bly wees. Soveel dae as dié waarin U ons verdruk het, soveel jare as dié waarin ons gely het, gee ons soveel jare van blydskap.

Swaar tye kom soms oor ons pad en lyding is deel van die lewe. Ons het God se wysheid nodig om oor die swaar en die seer van hierdie lewe te triomfeer. Wanneer ons vashou aan God se liefde het ons niks anders nodig om ons waarde te gee nie. Dit is fataal om bevrediging en verligting van die dinge wat ons vreugde steel, in die verganklike dinge van hierdie wêreld te soek. God, skenk ons elke dag sy liefde in oorvloed, sodat ons ons lewe lank mag juig en bly wees. Hy sal ons elke môre opnuut versadig met sy goedertierenheid.

Dis Sy Woord. Vars ... vir jou ... vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY