දුප්පත් පවුලකින් පැමිණ ඉරානයේ උත්තරීතර නායකයා වූ අයතුල්ලා අලි හමේනි

1939 වසරේ දී ඉරානයේ මෂාඩ් නගරයේ දරුවන් අට දෙනෙකුගෙන් යුත් දුගී පවුලක දෙවැන්නා ලෙස මෙලොව එළිය දුටු අයතුල්ලා අලි හමේනි ලොව දීර්ඝතම කාලයක් රාජ්‍ය නායකත්වය දැරූවන්ගෙන් කෙනෙක් ලෙස සැලකෙනවා. ඉරාන විප්ලවය හා ඉස්ලාමීය ඉරාන ජනරජය ගොඩනැගීමට ඔහු දුන් නායකත්වය හේතුවෙන් පිරිසකගේ ගරු බුහුමනටත් සිය පාලනයට එරෙහි නැගිටීම් කෲර ලෙස මර්දනය කිරීම හේතුවෙන් තවත් පිරිසකගේ දැඩි වෛරයටත් අලි හමේනි පත් වුණා.