பழைய சாம்பாரால் வந்த வினை! பெங்களூருவில் 27 வயது பெண் தற்கொலை

பெங்களூருவில் சமையல் தொடர்பான அற்பமான காரணங்களுக்காக அடுத்தடுத்து இரண்டு பெண்கள் தற்கொலை செய்துகொண்ட சம்பவம் பெரும் அதிர்ச்சியை ஏற்படுத்தியுள்ளது. 27 வயதான காவ்யா என்ற பெண், மூன்று நாட்களுக்கு முன்பு வைத்த சாம்பாரைச் சூடுபடுத்திப் பரிமாறியதற்காகத் தனது கணவர் ரங்கசாமியுடன் ஏற்பட்ட தகராறில், மனமுடைந்து பூச்சிக்கொல்லி மருந்தை அருந்தி உயிரிழந்துள்ளார். ஐந்து வருடத் திருமண வாழ்க்கை மற்றும் நான்கு வயது குழந்தை இருந்தும், ஒரு சிறிய சமையல் விவாதம் இவ்வளவு பெரிய விபரீதத்தில் முடிந்துள்ளது.

இதேபோல், சில நாட்களுக்கு முன்புதான் சுஷ்மா என்ற முன்னாள் மென்பொருள் பொறியாளர், தனது மாமியாருடன் ஏற்பட்ட சமையல் தகராறு காரணமாகத் தற்கொலை செய்துகொண்டார்.

படித்தவர்கள், கைநிறையச் சம்பாதிப்பவர்கள் எனப் பலரும் குடும்ப வன்முறை மற்றும் வரதட்சணைக் கொடுமைக்கு ஆளாவது நம் சமூகத்தின் அவலநிலையைக் காட்டுகிறது. சமையல் அறையில் தொடங்கும் சிறு வாக்குவாதம் எப்படி ஒரு உயிரைப் பறிக்கும் அளவிற்கு மாறுகிறது என்பது குறித்தும், இதுபோன்ற குடும்பச் சிக்கல்களை எப்படித் தவிர்ப்பது என்பது குறித்தும் இந்த வீடியோவில் விரிவாகப் பேசுகிறோம்.

இது போன்ற உங்கள் வாழ்வில் நடந்த அல்லது நீங்கள் கேள்விப்பட்ட உண்மைச் சம்பவங்களை எங்களோடு பகிர்ந்து கொள்ள விரும்பினால் [e-mail] என்ற மின்னஞ்சல் முகவரிக்கு உங்கள் கதைகளை எழுதி அனுப்புங்கள்.