लव आजकल: भाग

Grihshobha

Shaadi shuda aur ek bacche ki maa Vaishali dekhne mein sundar aur smart thi. Pati ko office aur bete ko school bhejne ke baad wo gym aa jaati thi. Gym mein wo ek smart yuvak Vinay ko exercise karte dekh kar usse mohit ho gayi. Uske aakarshan mein faskar usne ek din Vinay ko ghar bulaya aur sharirik sambandh bana liya. Pati ki ger maujoodgi mein dono ke sambandh pragadh hote gaye, ek din uski saheli ne use bataya ki uske dewar Vinay ki shaadi tey ho gayi hai toh Vaishali jal bhun gayi. Ghar aa kar usne Vinay ko phone kiya. Agle din Vinay uske ghar aaya toh Vaishali fufkarne lagi ki tum shaadi nahi kar sakte. Mere saath rangraliya mana kar shaadi kaise kar sakte ho. Ve ghayal si Vinay ko apna naya roop dikha rahi thi. Kuch galat harkat mat karna aur mere baare mein kuch galat sochna bhi mat keh kar Vinay ne apna phone nikala aur button on karte hi Vaishali ki gusse bhari aawaz kamre mein goonjne lagi. Aawaz sunte hi Vaishali ke chehre ka rang ud gaya, ab tum apne raaste aur main apne keh kar Vinay chala gaya.©2021 Delhi Press Patra Prakashan (P)2022 Delhi Press Patra Prakashan