هجرة المادة الشخمة

تقرى، تنجح، تقدم مطلب للهجرة وكان خطفت معاك،  تهاجر. تقريبا هذي هي دورة حياة أغلب المتفوقين وأصحاب المواهب في بلادنا،في ظاهرة معروفة عالميا تحت مسمّى #هجرة_الأدمغة. أدمغة مبدعة و متفوقة تهج كل يوم من بلدانها والسبب واضح: ضعف الشهاري و قلة الفرص  لكن نظرة أدق على الظاهرة هاذي حول العالم تظهر إنو الحقيقة ميهاش كيما نتصورو بالظبط، وإنو الأسباب وراء هجرة الأدمغة ميهاش بالوضوح ألي نراو فيه.  لذا وفي الحلقة الأولى من بودكاست  #فرك_الرمانة قررنا باش نحكيو على هجرة الأدمغة من منظور آخر. مش نطرحو في الإطار هذا أسباب قليل فين تتذكر، وحلول أخرى غير الحلول البديهية. وبين هاذي والأخرى مش ناقشو بعض الأفكار النمطية حول الظاهرة هاذي ومخلفاتها.