ذیابیطس کے خلاف وسیم اکرم کا پیغام: چائے میں چینی چھوڑیں

پاکستان کے لیجنڈری فاسٹ بولر وسیم اکرم اور ان کی آسٹریلوی اہلیہ شنیرا اکرم نے پاکستان میں تیزی سے بڑھتے ذیابیطس کے مسئلے کے خلاف کھل کر میدان میں آنے کا فیصلہ کیا ہے۔ پاکستان میں تقریباً 30.8 فیصد بالغ افراد (20–79 سال) ذیابیطس کا شکار ہیں، یعنی تقریباً ایک تہائی بالغ پاکستانی اس بیماری کا سامنا کر رہے ہیں جو عالمی اوسط سے تین گنا زیادہ ہے۔