Stel God Eerste

Send us a text

Matteus 6:33 Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee.

Sê my, wat is die belangrikste ding in jou gedagtes wanneer ons hierdie nuwe jaar aanpak? Waarop het jy jou visier gestel? Wat wil jy bereik? Wat is die belangrikste probleem in jou lewe wat opgelos moet word? Watter verhouding moet gekoester word? Wat is die nommer een ding waaraan jy ter voorbereiding van hierdie nuwe jaar, dink?

Dis ‘n goeie ding om ‘n lys van jou prioriteite op te stel, maar wees versigtig om nie die verkeerde dinge te prioritiseer nie. Ja, my vriend, met verkeerde prioriteite is die lewe geneig om ‘n ander koers in te slaan en voor jy jou oë uitvee, het jy so dramaties afgedwaal dat jy jouself in 'n wildernis bevind. ‘n Maalkolk waarin jy nooit gedink het jy sou beland nie.

Ek was in my jonger jare so gefokus op die bou van my IT-maatskappy en ek het so hard daaraan gewerk om die hoogste sport in my loopbaan te bereik, dat dit my gesin vernietig het. Die ergste was dat ek myself wysgemaak het dat ek dit vir húlle gedoen het. Dis my grootste verwyt.... Jy kan oënskynlik goeie prioriteite hê, maar indien dit nie die regtes is nie; sal dit jou lewe vernietig.

In die konteks van die vervulling van fisiese behoeftes; soos om kos op die tafel te sit en 'n dak oor jou kop te kry, het Jesus die volgende gesê in:

Matteus 6:33 Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee.

Na my verskriklike ervaring, het ek besluit om Jesus te gehoorsaam; om Hom aan die stuur van my lewe te plaas – iets wat ek met my hele hart gedoen het. Ek het dit nie aldag perfek reggekry nie, maar ek het daagliks daarvoor gebid.

Selfs in tye toe ek nie genoeg geld gehad het om kos op my tafel te sit of 'n dak oor my kop te verseker nie, het God getrou gebly aan sy Woord en vir my deur ander gelowiges voorsien. Wanneer jy God eerste stel en leef soos Hy wil hê jy moet leef, voorsien Hy in al jou ander behoeftes. Hy doen dit, want Hy hou sy belofte aan jou!

Dis Sy Woord. Vars … vir jou … vandag.

Support the show

Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY